വായു മലിനീകരണം: ഡൽഹിയിൽ അടിയന്തര മന്ത്രിസഭായോഗം

ന്യൂഡൽഹി: വായു മലിനീകരണ പ്രശ്​നം ചർച്ച ചെയ്യാൻ മുഖ്യമന്ത്രി അരവിന്ദ്​ കെജ്​രിവാൾ അടിയന്തര മന്ത്രിസഭായോഗം വിളിച്ചു. 12.30ന്​ യോഗം ചേരും.
17 വർഷത്തിനിടെ ഡൽഹി കണ്ട ഏറ്റവും വലിയ മലിനീകരണമാണ്​ നിലവിൽ അനുഭവപ്പെടുന്നത്. തെരുവിലൂടെ നടക്കുന്നവർക്ക്​ ശ്വാസതടസവും കണ്ണെരിച്ചിലും അനുഭവ​െപ്പടുന്നുണ്ട്​. പുകമൂടിയതിനാൽ 500 മീറ്ററിൽ കൂടുതൽ ദൂരത്തേക്ക്​ കാഴ്​ചയില്ല.

ഡൽഹി ലഫ്​. ഗവർണർ നജീബ്​ ജങും നാളെ അടിയന്തിര യോഗം വിളിച്ചിട്ടുണ്ട്​. കെജ്​രിവാൾ, ആരോഗ്യമന്ത്രി സത്യേന്ദർ ജെയ്​ൻ, പരിസ്​ഥിതി മന്ത്രി ഇമ്രാൻ ഹുസൈൻ, ഡൽഹി ചീഫ്​ സെക്രട്ടറി, പൊലീസ്​ പ്രതിനിധികൾ എന്നിവർ ​യോഗത്തിൽ പ​െങ്കടുക്കും.

പുകപടലങ്ങളും മറ്റും നീക്കം ചെയ്യാനുള്ള നടപടികളെ കുറിച്ചും ചർച്ചനടക്കും. ശക്​തമായ കാറ്റോ മഴയോ ഉണ്ടായില്ലെങ്കിൽ മറ്റു മാർഗങ്ങൾ അവലംബിക്കേണ്ടതായി വരും.

ദീപാവലി ആഘോഷവും പഞ്ചാബ്​, ഹരിയാന, രാജസ്​ഥാൻ എന്നിവിടങ്ങളിലെ വയലുകളിൽ കച്ചി കത്തിക്കുന്നതി​​െൻറ പുകയുമാണ്​​ ഡൽഹിയെ മലിനമാക്കുന്നത്​.
മലിനീകരണത്തിനെതിരെ അടിയന്തര നടപടി സ്വീകരിക്കണമെന്നാവശ്യപ്പെട്ട്​ ജനങ്ങൾ തെരുവിലിറങ്ങി.