Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅന്തരീക്ഷ മലിനീകരണം:...

അന്തരീക്ഷ മലിനീകരണം: എ.എ.പി സർക്കാറിന് ദേശീയ ഹരിത ട്രൈബ്യൂണലിന്‍റെ വിമർശനം 

text_fields
bookmark_border
smog
cancel

ന്യൂഡൽഹി: തലസ്ഥാന നഗരിയിൽ അന്തരീക്ഷ മലിനീകരണം രൂക്ഷമായി തുടരുമ്പോഴും നടപടികൾ സ്വീകരിക്കാതെ  ഇന്ത്യ- ശ്രീലങ്ക ക്രിക്കറ്റ് മത്സരം സംഘടിപ്പിച്ചതിനെതിരെ ദേശീയ ഹരിത ട്രൈബ്യൂണൽ.  മലിനീകരണത്തിനെതിരെ നടപടി സ്വീകരിക്കുന്നതിൽ ആം ആദ്​മി സർക്കാർ പരാജയപ്പെ​െട്ടന്ന് ജസ്​റ്റിസ്​ സ്വതന്തർ കുമാർ അധ്യക്ഷനായ ഹരിത ട്രൈബ്യൂണൽ നിരീക്ഷിച്ചു. 

ചീഫ്​ സെക്രട്ടറിയും പരിസ്​ഥിതി വകുപ്പ്​ സെക്രട്ടറിയും മാറിയതിനാൽ നടപടിയെ കുറിച്ച് വിശദീകരിക്കാൻ കൂടുതൽ സമയം എ.എ.പി സർക്കാർ ആവശ്യപ്പെട്ടു. എന്നാൽ, 48 മണിക്കൂറിനുള്ളിൽ നടപടിയിൽ റിപ്പോട്ട്​ സമർപ്പിക്കണമെന്ന്​ ട്രൈബ്യൂണൽ അറിയിച്ചു. 

കഴിഞ്ഞ ദിവസം, അന്തരീക്ഷ മലിനീകരണം രൂക്ഷമാണെന്ന​ ശ്രീലങ്കൻ ക്രിക്കറ്റ്​ ടീമി​​​​െൻറ പരാതിയെ തുടർന്ന്​ ഇന്ത്യ ​ഇന്നിങ്ങ്​സ്​ ഡിക്ലയർ ​െചയ്യാൻ നിർബന്ധിതരായിരുന്നു.  എല്ലാ മാധ്യമങ്ങളിലും വായുമലിനീകരണം രൂക്ഷമാകുമെന്ന്​ വാർത്തകളുണ്ടായിരുന്നു. എന്നിട്ടും സർക്കാർ ഒരു നടപടിയും സ്വീകരിച്ചില്ല. ക്രിക്കറ്റ്​ ടീമുകൾ മാസ്​ക്ക്​ ധരിച്ച്​ കളിക്കേണ്ടി വന്നു. വായു മലിനീകരണം രൂക്ഷമായിരിക്കു​േമ്പാൾ ഇവിടെ ക്രിക്കറ്റ്​ കളി സംഘടിപ്പിക്കരുതായിരുന്നുവെന്നും ഹരിത ട്രൈബ്യൂണൽ നിരീക്ഷിച്ചു. 

ഫിറോസ്​ ഷാ കോട്​ല മൈതാനത്ത്​ നടക്കുന്ന ​​ക്രിക്കറ്റ്​ ടെസ്​റ്റിൽ മാസ്​ക്ക്​ ധരിച്ചായിരുന്നു ശ്രീലങ്കൻ ടീം ഫീൽഡിങ്ങിന്​ ഇറങ്ങിയിരുന്നത്​. മോശം വായു കളിക്കാരെ തളർത്തിയതായും ചിലർ ഛർദിച്ചതായും ലങ്കൻ ടീം പരാതിപ്പെട്ടിരുന്നു. ആദ്യ ദിവസത്തേക്കാൾ കൂടുതൽ മോശമായിരുന്നു അടുത്ത ദിവസങ്ങളിലെ അന്തരീക്ഷം. 

Show Full Article
TAGS:Delhi pollution National Green Tribunal AAP Government Cricket match india news malayalam news 
News Summary - Delhi air pollution: NGT pulls up AAP govt for not filing action plan, holding India-Sri Lanka Test-India News
Next Story