ഡൽഹിയിൽ ഒറ്റ ദിവസം 428 കോവിഡ്; ആകെ രോഗികൾ 5000 കടന്നു

ന്യൂഡൽഹി: ഡൽഹിയിൽ ഒറ്റദിവസം കൊണ്ട്​ 428 കോവിഡ്​ രോഗികൾ. ബുധനാഴ്​ചയാണ്​ ഇത്രയധികം പേർക്ക്​ കോവിഡ്​ സ്ഥിരീകരിച്ചത്​. ഇതോടെ ഡൽഹിയിലെ ആകെ കോവിഡ്​ രോഗികളുടെ എണ്ണം 5532 ആയി. കഴിഞ്ഞ 24 മണിക്കൂറുകൾക്കുള്ളിൽ 74 പേർ രോഗമുക്തരായി. ആകെ 1542 പേർക്കാണ്​ തലസ്ഥാനത്ത്​ രോഗം ഭേദമായത്​.

65 പേർക്ക്​ ഇവിടെ ജീവൻ നഷ്​ടമായി. ബുധനാഴ്​ച ഡൽഹി പൊലീസിലെ ഒരു കോൺസ്​റ്റബ്​ൾ കോവിഡ്​ ബാധിച്ചു മരിച്ചിരുന്നു. തിങ്കളാഴ്​ച വരെ ഇയാൾക്ക്​ രോഗലക്ഷണങ്ങൾ പ്രകടമായിരുന്നില്ല. കഴിഞ്ഞ ഞായറാഴ്​ച 24 മണിക്കൂറിനിടയിൽ 427 പേർക്ക്​ ഡൽഹിയിൽ കോവിഡ്​ സ്ഥിരീകരിച്ചിരുന്നു. രാജ്യത്ത്​ ആകെ കോവിഡ്​ ബാധിതരുടെ എണ്ണം 52,987 അയി.

ഡൽഹി വീണ്ടും തുറക്കാനുള്ള സമയമായെന്ന മുഖ്യമന്ത്രി അരവിന്ദ്​ കെജ്​രിവാളി​​െൻറ പ്രസ്​താവന പുറത്തു​ വന്ന്​ മണിക്കൂറുകൾക്കുള്ളിലാണ്​ ഇത്രയധികം ആളുകൾക്ക്​ കോവിഡ്​ സ്ഥിരീകരിച്ചുകൊണ്ടുള്ള ഫലം പുറത്തു വന്നത്​. കൊറോണ വൈറസിനൊപ്പം ജീവിക്കാൻ നാം ശീലിക്കണമെന്ന് കേന്ദ്ര മാനദണ്ഡമനുസരിച്ചുള്ള ലോക്​ഡൗൺ​ ഇളവുകൾ പ്രഖ്യാപിച്ചുകൊണ്ട്​ കെജ്​രിവാൾ പറഞ്ഞിരുന്നു. 

മദ്യഷോപ്പുകൾക്കുൾപ്പെടെ തുറന്നു പ്രവർത്തിക്കാൻ ഡൽഹി സർക്കാർ അനുമതി നൽകിയിരുന്നു. സാമൂഹ്യ അകലമോ ചട്ടങ്ങളോ പാലിക്കാതെ നൂറു കണക്കിനാളുകളാണ്​ മദ്യ ഷോപ്പുകൾക്ക്​ മുമ്പിൽ തടിച്ചുകൂടിയത്​.