Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightനിർഭയ കേസ്​: പ്രതികൾ...

നിർഭയ കേസ്​: പ്രതികൾ വധശിക്ഷ വൈകിപ്പിക്കാൻ ശ്രമിക്കുന്നു;​ കേന്ദ്രസർക്കാർ ഹൈകോടതിയിൽ

text_fields
bookmark_border
നിർഭയ കേസ്​: പ്രതികൾ വധശിക്ഷ വൈകിപ്പിക്കാൻ ശ്രമിക്കുന്നു;​ കേന്ദ്രസർക്കാർ ഹൈകോടതിയിൽ
cancel

ന്യൂഡൽഹി: നിർഭയ കേസിൽ പ്രതികൾ വധശിക്ഷ മനഃപൂർവം വൈകിപ്പിക്കുകയാണെന്ന്​ കേന്ദ്ര സർക്കാർ ഡൽഹി ഹൈകോടതിയിൽ. കേസ ിലെ പ്രതിയായ പവൻ ഗുപ്​ത ഇതുവരെ തിരുത്തൽ ഹരജിയോ ദയാഹരജിയോ നൽകാതിരിക്കുന്നത്​ മനപൂർവമാണെന്നും സോളിസിറ്റർ ജ നറൽ തുഷാർ മേത്ത ഹൈകോടതിയെ അറിയിച്ചു. വിചാരണ കോടതി പ്രതികളുടെ വധശിക്ഷ സ്​റ്റേ ചെയ്​തതിനെതി​രായി സമർപ്പിച്ച ഹരജിയിൽ നടന്ന വാദത്തിലാണ്​ തുഷാർ മേത്ത ഇക്കാര്യമറിയിച്ചത്​.

വിധി വൈകിപ്പിക്കാനുള്ള നടപടികൾ പ്രതികൾ മനഃപൂർവം, ആസൂത്രണം ചെയ്​ത്​ നടപ്പാക്കുകയാണ്​. നിയമ നടപടികളെ പരീക്ഷിക്കുന്ന നടപടിയാണ്​ പ്രതികളുടെ ഭാഗത്തു നിന്നുണ്ടാവുന്നതെന്നും അദ്ദേഹം പറഞ്ഞു.

നീതി നടപ്പാക്കുന്നത്​ വൈകരുത്​. വധശിക്ഷ നൽകുന്നത്​ വൈകാൻ പാടില്ല. കുറ്റവാളിക​ളുടെ താത്​പര്യത്തിനനുസരിച്ച്​ വധശിക്ഷ വൈകിക്കുന്നത്​ സമൂഹത്തിന്​ തെറ്റായ സന്ദേശമാണ്​ നൽകുകയെന്നും അദ്ദേഹം വാദിച്ചു. പ്രതികളുടെ വധശിക്ഷ വെവ്വേറെ ദിവസം നടത്താം. ദയാഹരജി നൽകിയവരുടെ ശിക്ഷ പിന്നീട്​ നടപ്പാക്കാമെന്നും തുഷാർ മേത്ത പറഞ്ഞു.

ജയിൽ ചട്ടം 858 പ്രകാരം വധശിക്ഷ ഒരുമിച്ചേ നടത്താനാകൂ എന്ന്​ പറയുന്നുണ്ടെന്ന്​ പ്രതിഭാഗം വാദിച്ചു. ശത്രുഘ്​നൻ ചൗഹാൻ കേസിൽ ദയഹരജി തള്ളി 14 ദിവസം കഴിഞ്ഞതിനു ശേഷം മാത്രമേ ശിക്ഷ നടപ്പിലാക്കാൻ കഴിയൂ എന്ന്​ സുപ്രീംകോടതി പറഞ്ഞിട്ടുണ്ടെന്നും വധശിക്ഷ നടപ്പിലാക്കുന്നതിന്​ ഭരണഘടനയിൽ സമയ പരിധി നിശ്ചയിച്ചിട്ടില്ലെന്നും പ്രതിഭാഗം അതിനാൽ വെവ്വേറെ വധശിക്ഷ നടപ്പിലാക്കരുതെന്നും പ്രതിഭാഗം അഭിഭാഷകർ ആവശ്യപ്പെട്ടു.

പ്രതി മുകേഷ്​ സിങ്ങിനു വേണ്ടി അഭിഭാഷകയായ റെബേക്ക ജോണും മറ്റ്​ പ്രതികൾക്കായി അഭിഭാഷകനായ എ.പി.സിങ്ങും ഹാജരായി.

പ്രതികളെ ശനിയാഴ്​ച രാവിലെ ആറ്​ മണിക്ക്​ തൂക്കിലേറ്റാൻ വിധിച്ചിരു​ന്നെങ്കിലും പ്രതികളിലൊരാളായ വിനയ്​ ശർമ ദയാഹരജി സമർപ്പിച്ചതിനാൽ വധശിക്ഷക്ക് വെള്ളിയാഴ്​ച ഡൽഹി പട്യാലഹൗസ്​ കോടതി സ്​റ്റേ ചെയ്യുകയായിരുന്നു.

Show Full Article
TAGS:delhi gang rape nirbhaya case Solicitor General delhi highcourt india news malayalam news 
News Summary - Delhi 2012 gang rape convicts frustrating mandate of law, SG tells Delhi HC -india news
Next Story