2000 കോടിയുടെ ആയുധം വാങ്ങാൻ അനുമതി

ന്യൂഡൽഹി: ഇന്ത്യൻ സായുധ സേനക്കുവേണ്ടി 2,000 കോടിയുടെ ആയ​ുധങ്ങൾ വാങ്ങാൻ പ്രതിരോധ മന്ത്രാലയം അനുമതി നൽകി. ആയുധം സംഭരിക്കാനുള്ള നിർദേശത്തിന്​ മന്ത്രാലയത്തിലെ ഉന്നതാധികാര സമിതിയാണ്​ വെള്ളിയാഴ്​ച അനുമതി നൽകിയത്​. പ്രതിരോധ മന്ത്രി രാജ്​നാഥ്​ സിങ്​ അധ്യക്ഷനായ ഡിഫൻസ്​ അക്വിസിഷൻ കൗൺസിൽ അനുമതി നൽകിയതായി പ്രതിരോധ മന്ത്രാലയ വക്​താവ്​ വെളിപ്പെടുത്തി. ​

ടി72, ടി 90 ടാങ്കുകളിൽ ഉപയോഗിക്കാവുന്ന വെടിയുണ്ടകളും മറ്റും തദ്ദേശീയമായി ഉൽപാദിപ്പിക്കാനും വികസിപ്പിക്കാനും സമിതി അനുമതി നൽകി. മേക്​ ഇൻ ഇന്ത്യ പദ്ധതിയുടെ ഭാഗമായാണിത്​ വികസിപ്പിക്കുന്നത്​.