പ്രതിരോധ മന്ത്രി നിർമല സീതാരാമൻ സുഖോയ് യുദ്ധ വിമാനത്തിൽ പറന്നു

ന്യുഡൽഹി: ഇന്ത്യയുടെ ആദ്യ വനിതാ പ്രതിരോധമന്ത്രി നിർമല സീതാരാമൻ സുഖോയ്​ എസ്​യു 30 യുദ്ധ വിമാനത്തിൽ പറന്നു. പാക്കിസ്ഥാൻ അതിർത്തിയിൽ ഇന്ത്യൻ സൈന്യത്തിന്റെ സന്നാഹങ്ങൾ പരിശോധിക്കാനും ഇന്ത്യൻ എയർഫോഴ്​സി​​​​െൻറ ഒാപറേഷനുകൾക്കുള്ള ഒരുക്കങ്ങളും യുദ്ധം നേരിടാനുള്ള ശക്​തിയും വിലയിരുത്തുന്നി​​​​െൻറ ഭാഗവുമായാണ്​ നിർമലയുടെ പരീക്ഷണ പറക്കൽ. 

രാജസ്ഥാനിലെ ജോധ്പുർ വ്യോമസേനാ താവളത്തിൽ നിന്നാണ്​ പ്രതിരോധമന്ത്രി സൂപ്പർ സോണിക്​ ജെറ്റിൽ പറന്നുയർന്നത്​.  വിമാനവാഹിനി കപ്പലായ ഐഎൻഎസ് വിക്രമാദിത്യയിൽ കഴിഞ്ഞദിവസം മന്ത്രി സഞ്ചരിച്ചിരുന്നു. ട്വിൻ എഞ്ചിനുള്ള സുഖോയ്​​ രണ്ട്​ പേർക്കിരിക്കാവുന്ന ഫൈറ്റർ ജെറ്റ്​ വിഭാഗത്തിൽ പെടുന്ന വിമാനമാണ്​. റഷ്യൻ സാ​േങ്കതിക വിദ്യയിൽ ഹിന്ദുസ്​ഥാൻ എയറോന്യൂടിക്​സാണ്​ ഇൗ ട്വിൻ ജെറ്റ്​ ഫൈറ്റർ നിർമിച്ചിരിക്കുന്നത്​.

മുൻ രാഷ്​ട്രപതിമാരായ എ.പി.ജെ അബ്​ദുൽ കലാമും പ്രതിഭാ പാട്ടീലുമാണ്​ ഇതിന്​ മുമ്പ്​ ഫൈറ്റർ ജെറ്റിൽ പറന്നത്​. മുൻ ​പ്രതിരോധമന്ത്രി ജോർജ്​ ഫെർണാണ്ടസും പറന്നവരിൽ പെടും.