ഉന്നാവ് പെൺകുട്ടിയുടെ മരണം: നിയമസഭക്ക് പുറത്ത് പ്രതിഷേധവുമായി അഖിലേഷ്

ലഖ്നോ: ഉ​ത്ത​ർ​പ്ര​ദേ​ശി​ലെ ഉ​ന്നാ​വി​ൽ ബ​ലാ​ത്സം​ഗ കേ​സി​ലെ പ്ര​തി​ക​ൾ തീകൊളുത്തിയ യു​വ​തി​ മരിച്ച സംഭവത്തിൽ പ്രതിഷേധവുമായി സമാജ് വാദി പാർട്ടി നേതാവ് അഖിലേഷ് യാദവ്. ഉത്തർപ്രദേശ് നിയമസഭക്ക് മുന്നിലാണ് അഖിലേഷ് അടക്കം നേതാക്കൾ ധർണ നടത്തിയത്.

ഇത് അങ്ങേയറ്റം അപലപിക്കപ്പെടേണ്ട സംഭവമാണ്. ഇന്ന് കറുത്ത ദിനമാണ്. ബി.ജെ.പി സർക്കാറിന് കീഴിൽ ഇത് ആദ്യത്തെ സംഭവമല്ല. ഈ ദിവസം വരെ യു.പി. മുഖ്യമന്ത്രിയോ ആഭ്യന്തര സെക്രട്ടറിയോ ഡി.ജി.പിയോ ഉത്തരവാദിത്തം ഏറ്റെടുത്ത് രാജിക്ക് തയാറായിട്ടില്ലെന്നും അഖിലേഷ് പറഞ്ഞു.

പാർട്ടി സംസ്ഥാന നേതാവ് നരേഷ് ഉത്തം പട്ടേൽ, രാജേന്ദ്ര ചൗധരി എന്നിവരും അഖിലേഷിനൊപ്പം നിയമസഭക്ക് മുന്നിൽ കുത്തിയിരിപ്പ് നടത്തി.