Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഓക്​സിജൻ...

ഓക്​സിജൻ ലഭിക്കാതെയുള്ള കോവിഡ്​ രോഗികളുടെ മരണം വംശഹത്യക്ക്​ സമമെന്ന്​ അലഹബാദ്​ ഹൈകോടതി

text_fields
bookmark_border
covid
cancel

അലഹബാദ്​: ഓക്​സിജൻ ലഭിക്കാതെയുള്ള കോവിഡ്​ രോഗികളുടെ മരണം വംശഹത്യക്ക്​ സമമാണെന്ന സുപ്രധാന നിരീക്ഷണവുമായി അലഹബാദ്​ ഹൈകോടതി. ഇതൊരു ക്രിമിനൽ കുറ്റമാണ്​. ജനങ്ങൾക്ക്​ ഓക്​സിജൻ നൽകുകയെന്നത്​ ഭരണകൂടത്തി​െൻറ ചുമതലയാണെന്ന്​ കോടതി നിരീക്ഷിച്ചു.

ലഖ്​നോ, മീററ്റ്​ ജില്ലകളിൽ ഓക്​സിജൻ ലഭിക്കാതെ കോവിഡ്​ രോഗികൾ മരിച്ചതുമായി ബന്ധപ്പെട്ട്​ സമൂഹമാധ്യമങ്ങളിൽ പ്രചരിക്കുന്ന വാർത്തകളിലാണ്​ കോടതി പ്രതികരണം. ഓക്​സിജൻ ലഭിക്കാതെയുള്ള മരണങ്ങളിൽ അന്വേഷണത്തിനും കോടതി ഉത്തരവിട്ടു. ജസ്​റ്റിസ്​ സിദ്ധാർഥ്​ വർമ്മ, ജസ്​റ്റിസ്​ അജിത്​ കുമാർ എന്നിവരുൾപ്പെട്ട രണ്ടംഗ ബെഞ്ചി​േൻറതാണ്​ ഉത്തരവ്​. കോവിഡ്​ വ്യാപനവും ക്വാറൻറീൻ സെൻററുകളുടെ പ്രവർത്തനവും സംബന്ധിച്ചുള്ള പൊതുതാൽപര്യ ഹരജിയിലാണ്​ കോടതി ഉത്തരവ്​.

ശാസ്​ത്രം ഇത്രയും വലിയ പുരോഗതി നേടിയ സമയത്തും ആളുകളെ ഇങ്ങനെ മരണത്തിന്​ വിട്ടുകൊടുക്കാനാവില്ല. ഹൃദയ, തലച്ചോർ മാറ്റിവെക്കൽ ശസ്​ത്രക്രിയകൾ വരെ നടക്കു​േമ്പാഴാണ്​ ഓക്​സിജനില്ലാതെ രോഗികളുടെ മരണമുണ്ടാവുന്നത്​​. ഓക്​സിജൻ ഇല്ലാതെയുള്ള മരണങ്ങളെ സംബന്ധിച്ച വാർത്തകൾ സമൂഹമാധ്യമങ്ങളിൽ കണ്ടിരുന്നു. ഇതുമായി ബന്ധപ്പെട്ട ഹരജി കൂടി കോടതിക്ക്​ മുന്നിലെത്തിയതോടെ ഇക്കാര്യത്തിൽ കൂടുതൽ വ്യക്​തത വന്നിരിക്കുകയാണ്​. ലക്​നോ, മീററ്റ്​ ജില്ലാ മജിസ്​ട്രേറ്റുമാർ​ ഇക്കാര്യത്തിൽ അന്വേഷണം നടത്തണം. അടുത്ത തവണ കേസ്​ പരിഗണിക്കു​േമ്പാൾ ഇരുവരും ഓൺലൈനായി കോടതിയിൽ ഹാജരാവണമെന്നും ജഡ്​ജിമാർ നിർദേശിച്ചു.

Show Full Article
TAGS:covid 19 oxygen 
News Summary - Death Of Covid Patients Due To No Supply Of Oxygen "Not Less Than Genocide": UP Court
Next Story