ഉ​യ​ർ​ത്തെ​ഴു​ന്നേ​റ്റ്​ വ​രു​മെ​ന്ന വിശ്വാസം; മാതാവിന്‍റെ ജീർണിച്ച മൃതദേഹവുമായി ഒരാഴ്​ച കഴിഞ്ഞ്​ പെൺമക്കൾ

ചെ​ന്നൈ: ഉ​യ​ർ​ത്തെ​ഴു​ന്നേ​റ്റ്​ വ​രു​മെ​ന്ന അ​ന്ധ​വി​ശ്വാ​സ​ത്തോ​ടെ വീ​ട്ടി​ന​ക​ത്ത്​ മാ​താ​വി​െൻറ ജീ​ർ​ണി​ച്ച മൃ​ത​ദേ​ഹ​വു​മാ​യി ഒ​രാ​ഴ്​​ച ക​ഴി​ഞ്ഞ ര​ണ്ടു പെ​ൺ​മ​ക്ക​ളെ ക​ണ്ടെ​ത്തി. നാ​ട്ടു​കാ​രു​ടെ പ​രാ​തി​യെ തു​ട​ർ​ന്ന്​ ഒ​ടു​വി​ൽ റ​വ​ന്യൂ-​പൊ​ലീ​സ്​ അ​ധി​കൃ​ത​ർ സ്ഥ​ല​ത്തെ​ത്തി മൃ​ത​ദേ​ഹം മോ​ർ​ച്ച​റി​യി​ലേ​ക്ക്​ മാ​റ്റി. തി​രു​ച്ചി ജി​ല്ല​യി​ലെ മ​ണ​പാ​റ സൊ​ക്കം​പ​ട്ടി ഗ്രാ​മ​ത്തി​​ലെ വീ​ട്ടി​ലാ​ണ്​ റി​ട്ട. അ​ധ്യാ​പി​ക​യാ​യ മേ​രി​യു​ടെ (75) മൃ​ത​ദേ​ഹ​വു​മാ​യി അ​വി​വാ​ഹി​ത​രാ​യ പെ​ൺ​മ​ക്ക​ൾ ജ​സി​ന്ത (43), ജ​യ​ന്തി (40) എ​ന്നി​വ​ർ പ്രാ​ർ​ഥ​ന​യി​ൽ ക​ഴി​ഞ്ഞി​രു​ന്ന​ത്.

പു​തു​ച്ചേ​രി​യി​ൽ നി​ന്നു​ള്ള ബ​ന്ധു വീ​ട്ടി​ലെ​ത്തി മൃ​ത​ദേ​ഹം ഉ​ട​ൻ സം​സ്​​ക​രി​ക്ക​ണ​മെ​ന്ന്​ ആ​വ​ശ്യ​പ്പെ​​ട്ടെ​ങ്കി​ലും പെ​ൺ​മ​ക്ക​ൾ ശ​കാ​രി​ച്ചു​ പ​റ​ഞ്ഞ​യ​ക്കു​ക​യാ​യി​രു​ന്നു. തു​ട​ർ​ന്ന്​ ബ​ന്ധു സ​മീ​പ​വാ​സി​ക​ളെ വി​വ​ര​മ​റി​യി​ച്ചു. ഇ​തോ​ടെ ഗ്രാ​മ​വാ​സി​ക​ൾ വീ​ടി​നു​ ചു​റ്റും ത​ടി​ച്ചു​കൂ​ടി. മ​ണ​പാ​റ പൊ​ലീ​സി​ലും വി​വ​ര​മ​റി​യി​ച്ചു. പൊ​ലീ​സ്​ സ്​​ഥ​ല​ത്തെ​ത്തി​യെ​ങ്കി​ലും വാ​തി​ൽ തു​റ​ക്കാ​ൻ സ​ഹോ​ദ​രി​മാ​ർ ത​യാ​റാ​യി​ല്ല. ഒ​രു മ​ണി​ക്കൂ​റി​നു​ശേ​ഷം പൊ​ലീ​സ്​ റ​വ​ന്യൂ അ​ധി​കൃ​ത​രു​ടെ സാ​ന്നി​ധ്യ​ത്തി​ൽ ബ​ലം​പ്ര​യോ​ഗി​ച്ച്​ അ​ക​ത്ത്​ ക​ട​ക്കു​ക​യാ​യി​രു​ന്നു.

അ​മ്മ ജീ​വി​ച്ചി​രി​പ്പു​ണ്ടെ​ന്നും മൃ​ത​ദേ​ഹം പു​റ​ത്തേ​ക്ക്​ കൊ​ണ്ടു​പോ​കാ​ൻ അ​നു​വ​ദി​ക്കി​ല്ലെ​ന്നും മ​ക്ക​ൾ പ​റ​ഞ്ഞു. ഇ​വ​രു​ടെ എ​തി​ർ​പ്പ്​​ അ​വ​ഗ​ണി​ച്ച്​ വൈ​ദ്യ​സം​ഘം സ്​​ഥ​ല​ത്തെ​ത്തി മ​ര​ണം സ്​​ഥി​രീ​ക​രി​ക്കു​ക​യും മൃ​ത​ദേ​ഹം മ​ണ​പാ​റ ഗ​വ. ആ​ശു​പ​ത്രി മോ​ർ​ച്ച​റി​യി​ലേ​ക്ക്​ മാ​റ്റു​ക​യും ചെ​യ്​​തു. ഒ​രാ​ഴ്​​ച മു​മ്പ്​ മ​രി​ച്ച​താ​യി ഡോ​ക്​​ട​ർ​മാ​ർ റി​പ്പോ​ർ​ട്ട്​ ചെ​യ്​​തു. പൊ​ലീ​സ്​ കേ​സ്​ ര​ജി​സ്​​റ്റ​ർ ചെ​യ്​​തി​ട്ടു​ണ്ട്.