ഗൗതം നവലഖയെ വീട്ടുതടങ്കലിലേക്കു​ മാറ്റുന്നത് നീളുന്നു

മും​ബൈ: ഭീ​മ കൊ​റേ​ഗാ​വ്​ കേ​സി​ൽ ജ​യി​ലി​ൽ ക​ഴി​യു​ന്ന ഗൗ​തം ന​വ​ല​ഖ​യെ 48 മ​ണി​ക്കൂ​റി​ന​കം വീ​ട്ടു​ത​ട​ങ്ക​ലി​ലേ​ക്കു​ മാ​റ്റാ​ൻ സു​പ്രീം​കോ​ട​തി ഉ​ത്ത​ര​വി​ട്ട്​ അ​ഞ്ചു​ ദി​വ​സം ക​ഴി​ഞ്ഞി​ട്ടും ന​ട​പ​ടി​ക​ൾ വൈ​കു​ന്നു. ചൊ​വ്വാ​ഴ്​​ച ജാ​മ്യ​ന​ട​പ​ടി​ക​ളു​ടെ ഭാ​ഗ്യ​മാ​യി ന​വ​ല​ഖ​യെ മും​ബൈ​യി​ലെ പ്ര​ത്യേ​ക എ​ൻ.​ഐ.​എ കോ​ട​തി​യി​ൽ ഹാ​ജ​രാ​ക്കി. പാ​ൻ​കാ​ർ​ഡ്, ആ​ധാ​ർ, പാ​സ്​​പോ​ർ​ട്ട്​ തു​ട​ങ്ങി രേ​ഖ​ക​ളെ​ല്ലാം സ​മ​ർ​പ്പി​ച്ചി​രു​ന്നു.

എ​ന്നാ​ൽ, സാ​മ്പ​ത്തി​ക​ഭ​ദ്ര​ത വ്യ​ക്ത​മാ​ക്കു​ന്ന സോ​ൾ​വ​ൻ​സി സ​ർ​ട്ടി​ഫി​ക്ക​റ്റി​ന്റെ പേ​രി​ലാ​ണ്​ താ​മ​സം. ഇ​ത്​ ല​ഭ്യ​മാ​ക​ണ​മെ​ങ്കി​ൽ കാ​ല​താ​മ​സ​മു​ണ്ട്. ഡി​സം​ബ​ർ 13 വ​രെ​യാ​ണ്​ സു​പ്രീം​കോ​ട​തി വീ​ട്ടു​ത​ട​ങ്ക​ൽ അ​നു​വ​ദി​ച്ച​ത്. തു​ട​ര​ണ​മോ എ​ന്ന്​ 13ന്​ ​തീ​രു​മാ​നി​ക്കും. സോ​ൾ​വ​ൻ​സി സ​ർ​ട്ടി​ഫി​ക്ക​റ്റ്​ പ്ര​തി​സ​ന്ധി ന​വ​ല​ഖ​യു​ടെ അ​ഭി​ഭാ​ഷ​ക​ർ ചൊ​വ്വാ​ഴ്ച സു​പ്രീം​കോ​ട​തി​യെ അ​റി​യി​ച്ചു.

ഇ​തോ​ടെ വീ​ട്ടു​ത​ട​ങ്ക​ലു​മാ​യി ബ​ന്ധ​പ്പെ​ട്ട വ്യ​വ​സ്ഥ​ക​ളി​ൽ​നി​ന്ന്​ സോ​ൾ​വ​ൻ​സി സ​ർ​ട്ടി​ഫി​ക്ക​റ്റ്​ ജ​സ്റ്റി​സു​മാ​രാ​യ കെ.​എം. ജോ​സ​ഫ്, ഋ​ഷി​കേ​ശ്​ റോ​യ്​ എ​ന്നി​വ​രു​ടെ ബെ​ഞ്ച്​ ഒ​ഴി​വാ​ക്കി. ആ​രോ​ഗ്യാ​വ​സ്ഥ പ​രി​ഗ​ണി​ച്ച്​ ക​ഴി​ഞ്ഞ വ്യാ​ഴാ​ഴ്ച​യാ​ണ്​ ന​വ​ല​ഖ​ക്ക്​ സു​പ്രീം​കോ​ട​തി വീ​ട്ടു​ത​ട​ങ്ക​ൽ അ​നു​വ​ദി​ച്ച​ത്.