കോവിഡ്​ വാക്​സിൻ പരീക്ഷണത്തിന്​ വിധേയനായ ഹരിയാന മന്ത്രിക്ക്​ കോവിഡ്​

ചണ്ഡിഗഡ്​: കോവി‍ഡ് വാക്സിൻ സ്വീകരിച്ച ഹരിയാന ആരോഗ്യ മന്ത്രിക്ക് കോവിഡ് സ്​ഥിരീകരിച്ചു. ഭാരത്​ ബയോടെക്​ വികസിപ്പിച്ച കോവി‍ഡ് വാക്സിനായ 'കോവാക്സിൻ' സ്വീകരിച്ച് ദിവസങ്ങൾക്കകമാണ് അനിൽ വിജിന് രോ​ഗം സ്ഥിരീകരിച്ചത്. മന്ത്രി ട്വിറ്ററിലൂടെ രോഗവിവരം അറിയിച്ചത്.

അംബാല ക​േൻറാൺമെൻറ്​ ആശുപത്രിയിൽ ചികിത്സയിലാണ്​ മന്ത്രിയിപ്പോൾ. താനുമായി അടുത്ത സമ്പർക്കം പുലർത്തിയ വ്യക്തികൾ കോവിഡ്​ പരിശോധനക്ക്​ വിധേയരാകണമെന്ന്​ മന്ത്രി അഭ്യർഥിച്ചു. നവംബർ 20നായിരുന്നു മന്ത്രി വാക്​സിൻ സ്വീകരിച്ചത്​.

വാക്​സിൻ പരീക്ഷണത്തിൻെറ മൂന്നാം ഘട്ടത്തിൻെറ ഭാഗമായാണ്​ മന്ത്രി വാക്​സിൻ സ്വീകരിച്ചത്​. ഇന്ത്യൻ കൗൺസിൽ ഓഫ്​ മെഡിക്കൽ റിസർച്ചും (ഐ.സി.എം.ആർ) ഭാരത്​ ബയോടെകും സംയുക്തമായാണ്​ കോവാക്​സിൻ വികസിപ്പിക്കുന്നത്​.

നേരത്തെ വാക്​സിൻ പരീക്ഷണത്തിൻെറ ആദ്യ രണ്ട്​ ഘട്ടങ്ങൾ വിജയകരമായി പുർത്തിയാക്കിയതായി നിർമാതാക്കൾ വ്യക്തമാക്കിയിരുന്നു.