Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ ബാധിതയായ...

കോവിഡ്​ ബാധിതയായ ഡോക്​ടർ ആൺകുഞ്ഞി​ന് ജന്മം നൽകി

text_fields
bookmark_border
കോവിഡ്​ ബാധിതയായ ഡോക്​ടർ ആൺകുഞ്ഞി​ന് ജന്മം നൽകി
cancel

ന്യൂഡൽഹി: കോവിഡ്​ സ്ഥിരീകരിച്ചതിനെ തുടർന്ന്​ എയിംസിൽ പ്രവേശിപ്പിച്ച വനിത ഡോക്​ടർ ആണ്‍കുഞ്ഞിന് ജന്മം നൽകി. രാജ്യത്ത് ആദ്യമായാണ് കോവിഡ് രോഗി പ്രസവിക്കുന്നത്. അമ്മയും കുഞ്ഞും സുഖമായിരിക്കുന്നതായും കുഞ്ഞിന്​ രോഗലക് ഷണങ്ങളില്ലെന്നും ആശുപത്രി അധികൃതർ അറിയിച്ചു.

എയിംസി​െല ഡോക്​ടറായ ഭർത്താവിൽ നിന്നാണ്​ ഇവർക്ക്​ രോഗം ബാധിച്ചത്​. വ്യാഴാഴ്​ച കോവിഡ് ​19 സ്ഥിരീകരിച്ചതിനെ തുടർന്ന്​ ഇവരെ പ്രത്യേക പരിചരണത്തോടെ ഐസ്വലേഷൻ വാർഡിലേക്ക്​ മാറ്റുകയായിരുന്നു.

എയിംസിലെ ഫിസിയോളജി വകുപ്പിൽ സീനിയർ റെസിഡൻറ്​ ഡോക്ടറായ ഭര്‍ത്താവിനും ഇയാളുടെ സഹോദരനും കൊവിഡ് ബാധിച്ചിരുന്നു. ഇവരും എയിംസിൽ ചികിത്സയിലാണ്​.

പത്ത്​ ഡോക്​ടർമാർ ഉൾപ്പെട്ട സംഘത്തി​​െൻറ നേതൃത്വത്തിൽ െഎസ്വലേഷൻ വാർഡിൽ സജ്ജീകരിച്ച ഓപ്പറേഷൻ തിയേറ്ററിലാണ്​ ​പ്രസവമെടുത്തത്​. കുഞ്ഞിനെ നേരിട്ട് ബന്ധപ്പെടാത്ത രീതിയില്‍ അമ്മയോടൊപ്പമാണ് താമസിപ്പിച്ചിരിക്കുന്നത്.

മുലപ്പാലും നല്‍കുന്നുണ്ട്. ഇതുവരെ പരിശോധനക്ക് വിധേയമാക്കിയിട്ടില്ല. എന്തെങ്കിലും ലക്ഷണം കാണിച്ചാല്‍ മാത്രമേ പരിശോധിക്കൂവെന്ന് ആശുപത്രി അധികൃതര്‍ പറഞ്ഞു.

പ്രസവം വെല്ലുവിളിയായിരുന്നുവെന്നും യുവതിക്ക്​ ശ്വാസസംബന്ധമായ പ്രശ്‌നങ്ങള്‍ പ്രകടിപ്പിച്ചെന്നും ഡോക്ടര്‍മാര്‍ പറഞ്ഞു. എന്നാല്‍, ഇപ്പോള്‍ അമ്മയുടെയും കുഞ്ഞിൻെറയും ആരോഗ്യനില തൃപ്തികരമാണ്​. ഗർഭിണികളായ കോവിഡ്​ രോഗികൾക്ക്​ ചികിത്സ നൽകാനുള്ള പ്രോ​ട്ടോകാൾ എയിംസ്​ തയാറാക്കിയിരുന്നു.

Show Full Article
TAGS:covid19 AIIMS Pregnant covid patient india news 
News Summary - Day after testing positive, wife of AIIMS doctor gives birth to a boy - India news
Next Story