ദേരയുടെ ആസ്ഥാനത്ത്​ സ്​ഫോടക വസ്​തു നിർമാണ ഫാക്​ടറികളും

ചണ്ഡിഗഢ്​: ദേര സച്ചാ സൗധയുടെ ആസ്ഥാനത്ത്​ രണ്ടാം ദിവസവും പൊലീസ്​ പരിശോധന തുടരുന്നു. ശനിയാഴ്​ച നടത്തിയ പരിശോധനയിൽ  അധികൃതമായി സ്​ഫോടക വസ്​തുക്കൾ നിർമിക്കുന്ന ഫാക്​ടറി കണ്ടെത്തി. 80 കാർട്ടൻ സ്​ഫോടക വസ്​തു ശേഖരം ഇവിടെ നിന്ന്​ പൊലീസ്​ കണ്ടെടുത്തിട്ടുണ്ട്​.

എന്നാൽ പടക്കങ്ങൾ നിർമിക്കുന്നതിനായാണ്​ സ്​ഫോടക വസ്​തുക്കൾ സൂക്ഷിച്ചതെന്ന വിശദീകരണമാണ്​ ദേര സച്ചായുടെ പ്രവർത്തകർ നൽകുന്നത്​. സ്​ഫോടക വസ്​തുക്കളുടെ സ്വഭാവത്തെ സംബന്ധിച്ച്​ കൂടുതൽ പരിശോധന നടത്തിയാ​ൽ മാത്രമേ വ്യക്​തമാവൂ എന്ന്​ പൊലീസ്​ വ്യക്​തമാക്കി. ഇതിനായി ഫോറൻസിക്​ വകുപ്പുമായി ബന്ധപ്പെടുമെന്നും അധികാരികൾ അറിയിച്ചു.

ദേര സച്ചായുടെ ആസ്ഥാനത്ത്​ വെള്ളിയാഴ്​ച നടത്തിയ പരിശോധനയിൽ പ്ലാസ്​റ്റിക്​ നാണയങ്ങൾ കണ്ടെത്തിയിരുന്നു. പാരാമിലട്ടറിയുടെ സഹായത്തോടെ വൻ പൊലീസ്​ സന്നാഹമാണ്​ ​ സിർസയിലെ ഗുർമീതി​​െൻറ ആസ്ഥാനത്ത്​ പരിശോധന നടത്തുന്നത്​. പരിശോധനയുടെ പശ്​ചാത്തലത്തിൽ സിർസയിലെ പല സ്ഥലങ്ങളിലും നിരോധനാജ്ഞ പ്രഖ്യാപിച്ചിട്ടുണ്ട്​.