മേഘാലയ ഖനി ദുരന്തം; 18ാം ദിനവും തൊഴിലാളികളെ കണ്ടെത്താനായില്ല

ഗുവാഹത്തി: മേഘാലയയിലെ ഖനിയിൽ കുടുങ്ങിയ 15 പേരെ രക്ഷിക്കാനുള്ള ശ്രമങ്ങൾ 18ാം ദിവസവും തുടരുന്നു. നാവിക ​േസനയുടെ മ ുങ്ങൽ വിദഗ്​ധർ ഖനിയിലെ വെള്ളപ്പൊക്കത്തെ മറികടന്ന്​ തെര​ച്ചിൽ നടത്തിയെങ്കിലും ആരെയും കണ്ടെത്താനായില്ല. ദേശീയ ദുരന്ത നിവാരണ സേന, നാവിക സേന, ഒഡിഷ അഗ്​നിശമന സേന എന്നിവരുടെ സംയുക്​ത സംഘമാണ്​ തെരച്ചിൽ നടത്തുന്നത്​. വെള്ളത്തിൽ 40 അടി താഴെ വരെ തങ്ങളുടെ മുങ്ങൽ വിദഗ്​ധർക്ക്​ എത്താനാകുമെന്ന്​ ദുരന്ത നിവാരണ സേന അറയിച്ചു. ഒഡിഷ രക്ഷാ സംഘം വെള്ളം പമ്പ്​ ചെയ്​ത്​ ഒഴിവാക്കുന്നതിനുവേണ്ട നടപടികൾ ആരംഭിച്ചിട്ടുണ്ട്​.

ഖനി തകർന്ന്​ വീണതോടെ സമീപത്തെ നദിയിൽ നിന്ന്​ വെള്ളം ഖനിയിലേക്ക്​ കുത്തി ഒഴുകുകയായിരുന്നു. കൂടാതെ നദിയിൽ വെള്ളപ്പൊക്കവുമുണ്ടായി. എന്നാൽ ഖനിയിലേക്ക്​ ​െവള്ളം വരുന്ന വഴി ഇതുവരെ കണ്ടെത്താനായിട്ടില്ല. ഡിസംബർ 13നാണ്​ അപകടമുണ്ടായത്​. ആ സമയം ഖനിക്കുള്ളിൽ ജോലി ചെയ്യുകയായിരുന്ന 15 തൊഴിലാളികളാണ്​ അപകടത്തിൽ പെട്ടത്​.

ഞായറാഴ്​ച വെള്ളത്തിലിറങ്ങിയ മുങ്ങൽ വിദഗ്​ധരുടെ അഭിപ്രായത്തിൽ ഖനിയിൽ 150 അടി വെള്ളമുണ്ട്​. 90 അടി വരെ ആഴത്തിൽ മാത്രമേ വിദഗ്​ധർക്ക്​ മുങ്ങാനാകൂ. ബാക്കിയിടങ്ങളിൽ കൽക്കരിയുമായി ചേർന്ന്​ കറുത്ത നിറത്തിലാണ്​ വെള്ളമെന്നും അവർ അറിയച്ചു. ഖനിയിൽ ഹാ​ലൊജൻ ബൾബുകൾ ഘടിപ്പിച്ച ഷാഫ്​റ്റുകൾ ഇറക്കിയാൽ കൂടുതൽ കാഴ്​ച ലഭിക്കുമെന്നും വിദഗ്​ധർ അഭിപ്രായപ്പെടുന്നു.