പിതാവി​െൻറ സാമ്രാജ്യത്തോട്​ താത്​പര്യമില്ല; ദാവൂദ്​ ഇബ്രാഹിമി​െൻറ മകൻ മതപണ്ഡിതൻ

മുംബൈ: അധോലോക മാഫിയ തലവൻ ദാവൂദ്​ ഇബ്രാഹിം കസ്​ക്കറി​​​െൻറ മകൻ മോയിൻ നവാസ്​ ഡി. കസ്​ക്കർ (31) മതപണ്ഡിതനാകുന്നു. കുടുംബ വ്യവസായങ്ങളുടെ അനന്തരാവകാശയായി നവാസിനെയായിരുന്നു ദാവൂദ്​ പ്രതീക്ഷിച്ചിരുന്നത്​. എന്നാൽ ദാവൂദി​​​െൻറ ബിസിനസുകളോട്​ ശക്​തമായ എതിർപ്പ്​ പ്രകടിപ്പിച്ച മകൻ മതപഠനത്തിലേക്ക്​ തിരിയുകയായിരുന്നു. ഇത്​ ദാവൂദിനെ മാനസികമായി തളർത്തിയിരിക്കുകയാണെന്ന്​ താനെ ആൻറി എക്​സറ്റോർഷൻ സെൽ തലവൻ പ്രദീപ്​ ശർമ പറഞ്ഞു. 

പിതാവി​​​െൻറ അനധികൃത വ്യവസായങ്ങൾ ലോകത്തിനു മുമ്പാകെ കുടുംബത്തിനാകമാനം ചീത്തപ്പേരുണ്ടാക്കുകയും കുടുംബാംഗങ്ങൾപോലും അകലുന്നതായും നവാസ്​ മനസിലാക്കിയിരുന്നു. ദൈവവിശ്വാസിയായ നവാസ്​ അതുകൊണ്ടു കൂടിയാണ്​ മതപഠനം നടത്താൻ തീരുമാനിച്ചത്​. 

 ഏകമക​​​െൻറ തീരുമാനം മൂലം ത​​​െൻറ അധോലോക ബിസിനസ്​ സാമ്രാജ്യത്തി​​​െൻറ ഭാവി എന്താകുമെന്ന വിഷമത്തിലാണ്​ ദാവൂദെന്നും പ്രദീപ്​ പറയുന്നു. മൂന്നു കള്ളക്കടത്ത്​ കേസിൽ പെട്ട്​ പിടിയിലായ ദാവൂദി​​​െൻറ ഇളയ സഹോദരൻ ഇഖ്​ബാൽ ഇബ്രാഹിം കസ്​ക്കറിൽ നിന്ന്​ പലപ്പോഴായി ലഭിച്ച വിവരങ്ങളാണിവയെന്ന്​ പ്രദീപ്​ അറിയിച്ചു. 

വർഷങ്ങളായി നാവസ്​ ദാവൂദി​​​െൻറ കുടുംബത്തിൽ നിന്ന്​ അകന്നു കഴിയുകയാണ്​. എന്നാൽ പിതാവുമായി സംസാരിക്കാറുണ്ടോ എന്ന കാര്യത്തിൽ വ്യക്​തതയില്ല.  ഖുർആൻ മനഃപാഠമാക്കിയ നവാസ്​ മതപഠനം പൂർത്തിയാക്കി പണ്ഡിതനായിട്ടുണ്ട്​. കുടുംബത്തിലെ ആഡംബരം പൂർണമായും ത്യജിച്ച്​  വീടിനടുത്തുള്ള പള്ളിയിലാണ്​ താമസിക്കുന്നത്​. മദ്രസയിൽ വിദ്യാർഥികളെ പഠിപ്പിച്ചും മറ്റുമാണ്​ നവാസ്​ കഴിയുന്നതെന്നും പ്രദീപ്​ പറയുന്നു. 

ബിസിനസ്​ മാനേജ്​​െമൻറിൽ ബിരുദം പൂർത്തിയാക്കിയ നവാസ്​ ആദ്യകാലങ്ങളിൽ പിതാവിനെ ബിസിനസിൽ സഹായിച്ചിരുന്നു. എന്നാൽ പിന്നീട്​ ​ദൈവവഴിയിൽ സഞ്ചരിക്കുകയായിരുന്നു. 2011 സെപ്​തംബറിൽ നവാസ്​ വിവാഹിതനായിരുന്നു.