മുസ്‍ലിം സുഹൃത്തിനൊപ്പമുള്ള ചിത്രമയച്ച് ദലിത് എഴുത്തുകാരിക്ക് സംഘ്പരിവാറിന്റെ വധഭീഷണി

ദലിത് ആക്ടിവിസ്റ്റും തമിഴ് എഴുത്തുകാരിയുമായ ഷാലിൻ മരിയ ലോറൻസിന് സംഘ്പരിവാർ പ്രവർത്തകരുടെ വധഭീഷണി. അശ്ലീല ചിത്രങ്ങളും ബലാത്സംഗഭീഷണിയും അടങ്ങിയ ഇ-മെയിൽ സന്ദേശത്തിൽ മുസ്‍ലിം യുവാവിനൊപ്പമുള്ള ഇവരുടെ ചിത്രത്തിനൊപ്പം പന്നിയിറച്ചിയും ഹിജാബും പരാമർശിക്കുന്ന വർഗീയ ആരോപണമുള്ള പോസ്റ്ററും അയച്ചിട്ടുണ്ട്. ഒരു വർഷത്തിലേറെയായി വലതുപക്ഷ ഗ്രൂപ്പുകളിൽ നിന്ന് തന്റെ ഭർത്താവിന്റെ ഇ-മെയിലിലേക്ക് ഭീഷണികൾ വരുന്നുണ്ടെന്നും ഇവർ പൊലീസിൽ നൽകിയ പരാതിയിൽ പറയുന്നു. പരാതി നൽകിയെങ്കിലും കുറ്റക്കാർക്കെതിരെ നടപടിയുണ്ടായിട്ടില്ല.

Thread//
TW

I have been receiving rape and murder threats on my husband's email for over a year from Sangis.Gave a CCB complaint,followed up ,nothing happened. Today an obscene ,vulgar ,communaly provocative poster with a pic of mine along with my muslim friend pic.twitter.com/jBj1sft0x6

— Shalin Maria Lawrence (@TheBluePen25) August 18, 2022

2018 മുതൽ ഇത്തരം ഭീഷണികൾക്ക് വിധേയമാകുന്നുണ്ടെന്നും എഴുത്തുകാരി പറഞ്ഞു. കുറ്റക്കാരെ കണ്ടെത്തി നടപടിയെടുക്കണമെന്ന് തമിഴ്നാട് സർക്കാരിനോട് ഇവർ അഭ്യർഥിച്ചു. വലതുപക്ഷ സംഘടനകളുടെ ഇത്തരം നടപടികൾ കൊണ്ട് തന്റെ പ്രവർത്തനങ്ങളിൽനിന്ന് പിന്തിരിയില്ലെന്നും ഷാലിൻ മരിയ കൂട്ടിച്ചേർത്തു.