പ്രാർഥിക്കാൻ അനുവദിച്ചില്ല; ഇസ്​ലാം സ്വീകരിക്കുമെന്ന ഭീഷണിയുമായി​ ദലിത്​ യുവതി

കാൻപുർ: ഉത്തർപ്രദേശിലെ നർകുർദ്​ ഗ്രാമത്തിൽ മേൽജാതിക്കാരായ ആളുകൾ ‘ഭഗവത്​ കഥ’ പരിപാടിക്കിടെ പ്രാർഥിക്കാൻ അനുവദിച്ചില്ലെന്ന പരാതിയുമായി ജയ്​ ദേവി എന്ന ദലിത്​ യുവതി രംഗത്തെത്തി.

കുറ്റക്കാർക്കെതിരെ കർശന നടപടി സ്വീകരിച്ചില്ലെങ്കിൽ താനും ഭർത്താവും ഇസ്​ലാം മതം സ്വീകരിക്കുമെന്ന്​ അവർ ഭീഷണി മുഴക്കി. പ്രാർഥിക്കാൻ അനുവദിക്കാതെ അവരുടെ കൈവശമുണ്ടായിരുന്ന ആരതി താലി തട്ടിത്തെറിപ്പിച്ച ശേഷം ചില യുവാക്കൾ അവരെ കൈയേറ്റം ചെയ്യുകയും എതിർക്കാൻ ശ്രമിച്ചപ്പോൾ ജാതിപ്പേര്​ വിളിച്ച്​ അധിക്ഷേപിക്കുകയും ചെയ്​തതായി പരാതിയിലുണ്ട്​.

സംഭവത്തിൽ അഞ്ചുപേർക്കെതിരെ പട്ടികജാതി /പട്ടിക വർഗ (അതിക്രമം തടയൽ) നിയമ പ്രകാരം കേസ്​ രജിസ്​റ്റർ ചെയ്​തു.