ഹാസനിൽ ദലിതർ അടിമകൾ, ജോലിക്ക്​ കൂലി മർദനം; 52 പേർക്ക്​ മോചനം

ബം​ഗ​ളൂ​രു: പു​ല​ർ​ച്ച മൂ​ന്നു മു​ത​ൽ രാ​ത്രി പ​ത്തു​വ​രെ എ​ല്ലു​മു​റി​യെ പ​ണി​യെ​ടു​ക്ക​ണം, കൂ​ലി ചോ​ദി​ ച്ചാ​ൽ ക​മ്പി​കൊ​ണ്ടും മ​ര​ക്കഷ​ണം​കൊ​ണ്ടും കൊ​ടി​യ മ​ർ​ദ​നം, ത​ല​ചാ​യ്ക്കാ​നും പ്രാ​ഥ​മി​ക കൃ​ത്യ​ങ്ങ ​ൾ ന​ട​ത്താ​നു​മാ​യി ഉള്ള​ത് ഒാ​ല കൂ​ര. ക​ർ​ണാ​ട​ക​യി​ലെ ഹാ​സ​നി​ലെ ഫാ​മി​ൽ ബ​ന്ദി​ക​ളാ​ക്ക​പ്പെ​ട്ട് അ​ടി ​മ​വേ​ല​ക്ക് വി​ധേ​യ​രാ​യ ദ​ലി​ത്-​ആ​ദി​വാ​സികൾ ഉ​ൾ​പ്പെ​ട്ട 52പേ​ർ അ​നു​ഭ​വി​ച്ച കൊ​ടി​യ​പീ​ഡ​ന​ങ്ങ​ളാ​ണി​ത്. രാ​ത്രി​യി​ൽ ഷെ​ഡ്ഡി​നു​ള്ളി​ൽ പൂ​ട്ടി​യി​ടു​ന്ന ഇ​വ​ർ അതിനുള്ളി​ൽ സ്ഥാ​പി​ച്ച പൈ​പ്പി​ലൂ​ടെ​യാ​ണ് പ്രാ​ഥ​മി​ക കൃ​ത്യ​ങ്ങ​ൾ ന​ട​ത്തി​യി​രു​ന്ന​ത്. മ​നു​ഷ്യ മ​നഃ​സാ​ക്ഷി​യെ മ​ര​വി​പ്പി​ക്കും വി​ധ​മു​ള്ള പ്രാ​കൃ​ത​മാ​യ അ​ടി​മ​വേ​ല ഈ ​നൂ​റ്റാ​ണ്ടി​ലും രാ​ജ്യ​ത്ത് ന​ട​ക്കു​ന്നു​ണ്ടെ​ന്ന​തി​​െൻറ നേ​ർ​സാ​ക്ഷ്യ​മാ​ണ് ഹാ​സ​നി​ലെ സം​ഭ​വം. കു​ടി​യേ​റ്റ തൊ​ഴി​ലാ​ളി​ക​ൾ നേ​രി​ടു​ന്ന ചൂ​ഷ​ണ​ങ്ങ​ളി​ൽ ഏ​റ്റ​വും പു​തി​യ​താ​ണ് ഇത്​.

അ​ടി​മ​തൊ​ഴി​ലാ​ളി​ക​ളാ​യി മ​ർ​ദ​ന​മേ​റ്റു​വാ​ങ്ങി വ​ർ​ഷ​ങ്ങ​ളാ​യി ഹാ​സ​നി​ലെ സാ​വ​ൻ​ക​മ​ഹ​ള്ളി ഗ്രാ​മ​ത്തി​ലെ ഫാ​മി​നു​ള്ളി​ലെ ഇ​ടു​ങ്ങി​യ കൂ​ര​യി​ൽ തി​ങ്ങി​ഞെ​രു​ങ്ങി ക​ഴി​ഞ്ഞ 52 പേ​രെ ഞാ​യ​റാ​ഴ്ച​യാ​ണ് ഹാ​സ​ൻ എ​സ്.​പി ഡോ. ​എ.​എ​ൻ. പ്ര​കാ​ശ് ഗൗ​ഡ​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് മോ​ചി​പ്പി​ച്ച​ത്. സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ​യു​ള്ള​വ​രാ​യി​രു​ന്നു ദു​രി​ത​മ​നു​ഭ​വി​ച്ചി​രു​ന്ന​ത്. തൊ​ഴി​ലാ​ളി​ക​ൾ ക​ഴി​ഞ്ഞ ഷെ​ഡ്ഡി​​െൻറ മേ​ൽ​നോ​ട്ട​ക്കാ​ര​നാ​യ മു​നേ​ശ, ഫാം ​ഉ​ട​മ കൃ​ഷ്ണ ഗൗ​ഡ, ഇ​ട​നി​ല​ക്കാ​രാ​യ ബ​സ​വ​രാ​ജ, പ്ര​ദീ​പ്, നാ​ഗ​രാ​ജ എ​ന്നി​വ​രെ അ​റ​സ്​​റ്റ് ചെ​യ്തു. സാ​മൂ​ഹ്യ ക്ഷേ​മ വ​കു​പ്പി​​െൻറ അ​ഭ​യ കേ​ന്ദ്ര​ത്തി​ലാ​ണ് 52പേ​രും ക​ഴി​യു​ന്ന​ത്. ഇ​വ​രി​ൽ 24പേ​ർ പ​ട്ടി​ക​വ​ർ​ഗ, പ​ട്ടി​ക​ജാ​തി വി​ഭാ​ഗ​ത്തി​ൽ പെട്ട​വ​രാ​ണ്. മ​റ്റു​ള്ള​വ​ർ ദ​ലി​ത് വി​ഭാ​ഗ​ക്കാരാ​ണ്. ക​ർ​ണാ​ട​ക​യി​ലെ റാ​യ്ച്ചൂ​ർ, ചി​ക്ക​മ​ഗ​ളൂ​രു, തു​മ​കൂ​രു, ചി​ത്ര​ദു​ർ​ഗ ജി​ല്ല​ക​ളി​ൽ​നി​ന്നു​ള്ള​വ​രും തെ​ല​ങ്കാ​ന, ആ​ന്ധ്ര​പ്ര​ദേ​ശ് സം​സ്ഥാ​ന​ങ്ങ​ളി​ൽ​നി​ന്നു​ള്ള​വ​രു​മാ​ണ്​ അ​ടി​മ​വേ​ല ചെ​യ്തി​രു​ന്ന​ത്. 600രൂ​പ​യി​ൽ കൂ​ടു​ത​ൽ കൂ​ലി ന​ൽ​കാ​മെ​ന്ന് വാ​ഗ്ദാ​നം ചെ​യ്ത് ക​ർ​ണാ​ട​ക, തെ​ല​ങ്കാ​ന, ആ​ന്ധ്ര​പ്ര​ദേ​ശ് സംസ്​ഥാനങ്ങ​ളി​ലെ റെ​യി​ൽ​വേ സ്​​റ്റേ​ഷ​നു​ക​ളി​ൽ​നി​ന്നാ​ണ് സം​ഘ​ത്തി​ൽ ഉ​ൾ​പ്പെ​ട്ടെ ഒാ​ട്ടോ ഡ്രൈ​വ​ർ​മാ​രാ​യ ര​ണ്ടു​പേ​ർ ഇ​വ​രെ ഫാ​മി​ലെ​ത്തി​ക്കു​ന്ന​ത്. ഇ​ത്ത​ര​ത്തി​ൽ ഹാ​സ​നി​ലെ മ​റ്റു​സ്ഥ​ല​ങ്ങ​ളി​ലും നി​ര​വ​ധി​പേ​ർ അ​ടി​മ​വേ​ല​ക്ക് വി​ധേ​യ​രാ​യി​ട്ടു​ണ്ടാ​കാ​മെ​ന്നാ​ണ് അ​ധി​കൃ​ത​ർ ക​രു​തു​ന്ന​ത്.

ദി​വ​സം 19മ​ണി​ക്കൂ​ർ പ​ണി​യെ​ടു​ത്താ​ലും കി​ട്ടു​ന്ന​ത് മ​ർ​ദ​നം മാ​ത്ര​മാ​യി​രു​ന്നു. ഇ​വ​ർ​ക്ക് കൂ​ലി​ ന​ൽ​കി​യി​രു​ന്നി​ല്ല. മ​ര ക്ക​മ്പു​കൊ​ണ്ടും വ​ടി​കൊ​ണ്ടു​മെ​ല്ലാം അ​ടി​ച്ചും ഭീ​ഷ​ണി​പ്പെ​ടു​ത്തി​യു​മാ​യി​രു​ന്നു പ​ണി​യെ​ടു​പ്പി​ച്ചി​രു​ന്ന​തെ​ന്നും സ്ത്രീ​ക​ളെ ലൈം​ഗി​ക​മാ​യി പീ​ഡി​പ്പി​ച്ചി​രു​ന്നു​വെ​ന്നും എ​ഫ്.​ഐ.​ആ​റി​ലുണ്ട്. ര​ക്ഷ​പ്പെ​ട്ട​വ​രി​ൽ ആ​റു വ​യ​സ്സു​ള്ള ര​ണ്ടു ആ​ൺ​കു​ട്ടി​ക​ളും 62 കാ​ര​നുമുണ്ട്. മൂ​ന്നു​വ​ർ​ഷ​മാ​യി ഇ​വി​ടെ കു​ടു​ങ്ങി​യ കൃ​ഷ്ണ​പ്പ 12 അ​ടി ഉ​യ​ര​ത്തി​ൽ കെ​ട്ടി​യ മ​തി​ൽ ചാ​ടി​ ര​ക്ഷ​പ്പെ​ട്ട​തോ​ടെ​യാ​ണ് സം​ഭ​വം പു​റം​ലോ​കം അ​റി​ഞ്ഞത്. ര​ണ്ടാ​ഴ്ച മു​മ്പ് മൂ​ന്നു​പേ​ർ സ​മാ​ന​മാ​യ രീ​തി​യി​ൽ ര​ക്ഷ​പ്പെ​​െട്ടങ്കി​ലും അവ​ർ പൊ​ലീ​സി​നെ സ​മീ​പി​ച്ചി​രു​ന്നി​ല്ല. റാ​ഗി പാ​ട​ത്തി​ലൂ​ടെ രാ​ത്രി ര​ക്ഷ​പ്പെ​ട്ടോ​ടി​യ കൃ​ഷ്ണ​പ്പ ബ​ന്ധു​ക്ക​ൾ​ക്കൊ​പ്പം പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. തു​ട​ർ​ന്നാ​ണ് പൊ​ലീ​സ് ഫാ​മി​ൽ റെ​യ്ഡ് ന​ട​ത്തി, അ​ടി​മ​വേ​ല​ക്ക് വി​ധേ​യ​മാ​യ​വ​രെ ര​ക്ഷ​ിച്ച​ത്.