Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightആ​ന്ധ്രയിൽ ദലിത്​...

ആ​ന്ധ്രയിൽ ദലിത്​ യുവാവിന്​ പൊലീസ്​ മർദ്ദനം; തലമൊട്ടയടിക്കുകയും മീശയും താടിയും വടിക്കുകയും ചെയ്​തു

text_fields
bookmark_border
ആ​ന്ധ്രയിൽ ദലിത്​ യുവാവിന്​ പൊലീസ്​ മർദ്ദനം; തലമൊട്ടയടിക്കുകയും മീശയും താടിയും വടിക്കുകയും ചെയ്​തു
cancel

ഹൈദരാബാദ്​: ആന്ധ്രപ്രദേശിൽ പൊലീസുകാർ ദലിത്​ യുവാവിനെ അമ്മയുടെ കൺമുന്നിലിട്ട്​ ക്രൂരമായി മർദ്ദിക്കുകയും തലമുടിയും താടിയും മീശയും വടിക്കുകയും ചെയ്​തു. വൈ.എസ്​.ആർ കോൺഗ്രസ്​ എം.എൽ.എയുടെ നിർദേശത്തെ തുടർന്നാണ്​ അക്രമം. ഹൈദരാബാദിൽനിന്ന്​ 271 കിലോമീറ്റർ അ​കലെ കിഴക്കൻ ഗോദാവരി ജില്ലയിലാണ്​ സംഭവം. 

പ്രദേശത്ത്​ ഒരാളുടെ അന്ത്യകർമ്മങ്ങൾക്ക്​ മണൽ കടത്തുന്നത്​ പ്രസാദും മറ്റു രണ്ടുപേരും ചേർന്ന്​ തടഞ്ഞതാണ്​ സംഭവങ്ങളുടെ തുടക്കം. സംഭവത്തിൽ പ്രാദേശിക രാഷ്​ട്രീയ നേതാവിന്​​ വൈര്യം തോന്നിയതിനെ തുടർന്ന്​ പ്രസാദിനെ കാർ ഇടിപ്പിച്ചതായും ആരോപണമുണ്ട്​.​ തുടർന്ന്​ ഇരുവരും തമ്മിൽ വാക്കുതർക്കവുമുണ്ടായി. ഇതിൽ പ്രദേശ​ത്തെ എം.എൽ.എക്കെതിരെയും ആരോപണം ഉന്നയിച്ചു. തുടർന്ന്​ എം.എൽ.എ സമീപത്തെ പൊലീസ്​ സ്​റ്റേഷനിലേക്ക്​ വിളിക്കുകയും പ്രസാദിനെ ഒരു പാഠം പഠിപ്പിക്കാൻ നിർദേശിക്കുകയുമായിരുന്നു. 

തുടർന്ന്​ അ​ന്വേഷണത്തി​​​​െൻറ ഭാഗമായി വെടുല്ലപള്ളി ഗ്രാമവാസിയായ യുവാവ്​ ​ഐ. വരപ്രസാദിനെയും കൂട്ടരെയും സബ്​ ഇൻസ്​പെക്​ടറും കോൺസ്​റ്റബ്​ൾമാരുമെത്തി പൊലീസ് സ്​റ്റേഷനിലേക്ക്​ കൂട്ടികൊണ്ടുപോകുകയായിരുന്നു. പൊലീസ്​ സ്​റ്റേഷനിൽവെച്ച്​ പ്രസാദിനെ ക്രൂരമായി മർദ്ദിക്കുകയും ബാർബറെ വിളിച്ചുവരുത്തി തലമുടിയും താടിയും മീശയും വടിക്കുകയായിരുന്നുവെന്നും​ പ്രസാദ്​ പറഞ്ഞു. ​ 

പ്രസാദിനെ ഗുരുതര പരി​ക്കുകളോടെ പ്രദേശത്തെ സർക്കാർ ആശുപത്രിയിൽ പ്രവേശിപ്പിച്ചു. സംഭവത്തിൽ എസ്​.സി/എസ്​.ടി നിയ​മപ്രകാരം എസ്​.ഐക്കും മറ്റു രണ്ടു പൊലീസുകാർക്കുമെതിരെ കേസെടുത്തു. ഉത്തരവാദികളായ പൊലീസുകാർക്കെതിരെ കർശന നടപടി സ്വീകരിക്കുമെന്ന്​ മുതിർന്ന പൊലീസ്​ ഉദ്യോഗസ്​ഥൻ പറഞ്ഞു. അതേസമയം സംസ്​ഥാനത്ത്​ കാട്ടാള ഭരണമാണെന്നും​ പൊലീസുകാരെ സർവിസിൽനിന്ന്​ നീക്കി​ അറസ്​റ്റ്​ ചെയ്യണമെന്നും ആവശ്യപ്പെട്ട്​ പ്രതിപക്ഷം രംഗത്തെത്തി.  


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:crime newsdalit attackandhrapradesh
News Summary - Dalit Man Beaten Head Shaved Allegedly By Andhra Cops -India news
Next Story