Top
Begin typing your search above and press return to search.
keyboard_arrow_down
Login
exit_to_app
exit_to_app
Dalit Lives Matter Campaign
cancel
Homechevron_rightNewschevron_rightIndiachevron_rightദലിതനും ജീവിക്കണം;...

'ദലിതനും ജീവിക്കണം'; യോഗി​യുടെ ദലിത്​ വിരോധത്തിനെതിരെ ഹാഷ്​ടാഗ്​ കാമ്പയിൻ സജീവം

text_fields
bookmark_border

ന്യൂഡൽഹി: ഹാഥ​റസിൽ 19കാരിയായ ദലിത്​ പെൺകുട്ടി കൂട്ട ബലാത്സംഗത്തിരയായി കൊല്ലപ്പെട്ടതിനെ തുടർന്ന്​ ഉത്തർ പ്രദേശിൽ ദലിതർക്ക്​ നേരെ നടക്കുന്ന അക്രമങ്ങളിൽ വൻ പ്രതിഷേധം. ദലിതർക്ക്​ നേരെ നടക്കുന്ന അക്രമങ്ങളിൽ പൊലീസും യോഗി ആദിത്യനാഥ്​ സർക്കാറും സ്വീകരിക്കുന്ന നിലപാടിനെതിരെയാണ്​ പ്രതിഷേധം. സാമൂഹിക മാധ്യമങ്ങളിൽ ദലിത്​ ലൈവ്​സ്​ മാറ്റർ (ദലിതനും ജീവിക്കണം) ഹാഷ്​ടാഗ്​ കാമ്പയിൻ സജീവമായി.

ഹാഥറസിൽ ദലിത​ർ​ക്ക്​ നേരെ നടക്കുന്ന ആക്രമണങ്ങൾക്ക്​ നേരെ ​െപാലീസും സർക്കാറും കണ്ണടക്കുന്നുവെന്ന ആരോപണം ശക്തമാണ്​. രാജ്യത്ത്​ ഏറ്റവും അധികം ദലിതർക്ക്​ നേരെ അതിക്രമം നടക്കുന്നതും യു.പിയിലാണ്​. ഹാഥറസ്​ പെൺകുട്ടി കൂട്ടബലാത്സംഗത്തിന്​ ഇരായായി കൊല്ലപ്പെട്ടതോടെ പ്രതിഷേധം കനത്തു.

കേസ്​ ഒതുക്കി തീർക്കാൻ പൊലീസ്​ തുടക്കം മുതൽ ശ്രമിച്ചത്​ വിവാദങ്ങൾക്ക്​ വഴിതെളിക്കുകയായിരുന്നു. സെപ്​റ്റംബർ 29ന്​ രാവിലെയാണ്​ ഹാഥറസിൽ കൂട്ടബലാത്സംഗത്തിരയായ പെൺകുട്ടി മരണത്തിന്​ കീഴടങ്ങുന്നത്​. രണ്ടാഴ്​ചത്തെ ചികിത്സക്ക്​ ശേഷമായിരുന്നു മരണം. പെൺകു​ട്ടിക്ക്​ വിദഗ്​ധ ചികിത്സ നൽകാൻ ആദ്യം യു.പി സർക്കാർ തയാറായിരുന്നില്ല. പിന്നീട്​ പ്രതിഷേധം കനത്തതോടെ പെൺകുട്ടിയെ ഡൽഹിയിലെ ആശുപത്രിയിലേക്ക്​ മാറ്റുകയായിരുന്നു. പെൺകുട്ടി കൂട്ടബലാത്സംഗത്തിന്​ ഇരയായതായി മൊഴി നൽകിയിട്ടും പൊലീസ്​ ഇക്കാര്യം സ്​ഥിരീകരിക്കാൻ തയാറായിരുന്നില്ല. കൂട്ടബലാത്സംഗം നടന്നതിന്​ തെളിവില്ലെന്നായിരുന്നു പൊലീസ്​ വാദം. ഗ്രാമത്തിലെ തന്നെ സവർണരാണ്​ പെൺകുട്ടിയെ അക്രമത്തിന്​ ഇരയാക്കിയതെന്നും ഇവിടെ ദലിതർക്ക്​ നേരെ ആക്രമണം പതിവാണെന്ന്​ അറിയിച്ചിട്ടും അതിന്​ ചെവി കൊടുക്കാനും പൊലീസ്​ തയാറായിരുന്നില്ല.

മരണശേഷം ബന്ധുക്കളുടെ ആവശ്യം പരിഗണിക്കാരെ വെളുപ്പിന്​ ചപ്പുചവറുകൾ കൂട്ടിയിട്ട്​ കത്തിക്കുംപോലെ പൊലീസി​െൻറ നേതൃത്വത്തിൽ പെൺകുട്ടിയുടെ മൃതദേഹം സംസ്​കരിച്ചതും പ്രതിഷേധത്തിന്​ ഇടയാക്കിയിരുന്നു. ഹാഥറസ്​ വിഷയം കത്തിപടരുന്നതിനിടെ യു.പിയിൽ തന്നെ ദലിത്​ പെൺകുട്ടികൾ കൂട്ടബലാത്സംഗത്തിന്​ ഇരയാകുകയും കൊല്ലപ്പെടുകയും ചെയ്​തു.

ഉയർന്നുവന്ന എതിർ ശബ്​ദങ്ങളെ അടിച്ചമർത്താനായിരുന്നു സർക്കാറ​ി​െൻറയും യു.പി ​െപാലീസി​െൻറയും ശ്രമം. ഹഥാറസ്​ ജില്ലയിൽ നിരോധനാജ്ഞ പ്രഖ്യാപിക്കുകയും പൊലീസ്​ കാവൽ ഏർപ്പെടുത്തുകയും ചെയ്​തു. കൂടാതെ കോവിഡ്​ കണ്ടെയ്​ൻമെൻറ്​ സോണായി പ്രഖ്യാപിക്കുകയും ചെയ്​തു. മാധ്യമങ്ങളെയോ മറ്റു രാഷ്​ട്രീയ പാർട്ടി നേതാക്കളെയോ പെൺകുട്ടിയുടെ ബന്ധുക്കളെ കാണാൻ അനുവദിച്ചില്ല. പെൺകുട്ടിയുടെ ഗ്രാമം മുഴുവൻ അടച്ചുപൂട്ടുകയും ചെയ്​തു. ഇതെല്ലാം വൻ പ്രതിഷേധങ്ങൾക്ക്​ ഇടയാക്കിയിരുന്നു.

​െപൺകുട്ടിക്ക്​ നീതി ലഭിക്കാൻ പോരാട്ടത്തിന്​ ആഹ്വാനം ചെയ്​ത ഭീം ആർമി നേതാവ്​ ചന്ദ്രശേഖർ ആസാദിനെ വീട്ടുതടങ്കലിലാക്കുകയും കോൺഗ്രസ്​ നേതാക്കളായ രാഹുൽ ഗാന്ധിക്കും പ്രിയങ്ക ഗാന്ധിക്കും യു.പി പൊലീസിൽനിന്ന്​ മർദ്ദനവും ഏൽക്കേണ്ടിവന്നിരുന്നു. ദലിതർക്ക്​ നേരെ നടക്കുന്ന ഇത്തരം അക്രമണങ്ങളിൽ യോഗിയും പൊലീസും ബി.ജെ.പി നേതാക്കളും പാലിക്കുന്ന മൗനവും ഈ പ്രതിഷേധങ്ങൾക്ക്​ ആക്കം കൂട്ടി.

Show Full Article
TAGS:Dalit Lives Matter Yogi Adityanath Hathras Rape 
Web Title - Dalit Lives Matter Campaign Against UP Police And Yogi adithyanath govt
Next Story