ഗുഡ്​ക നൽകിയില്ല, യു.പിയിൽ ദലിത്​ യുവാവിനെ തീക്കൊളുത്തി കൊല്ലാൻ ശ്രമം

ലക്​നൗ: ഗുഡ്​ക നൽകാത്തതിനെ തുടർന്ന്​ യു.പിയിൽ ദലിത്​ യുവാവിനെ തീകൊളുത്തി കൊല്ലാൻ ശ്രമം. ഉത്തർപ്രദേശിലെ മാതുര ജില്ലയിലാണ്​ ഗുഡ്​ക നൽകാത്തതിനെ തുടർന്ന്​  പർദേശി എന്ന യുവാവിനെ തീകൊളുത്തിയത്​. ​െപാള്ളലേറ്റ യുവാവ്​ ജില്ലാ ആശുപത്രിയിൽ ചികിൽസയിലാണ്​. 

സാധനങ്ങൾ വാങ്ങുന്നതിനായി കടയിലെത്തിയ പർദേശിയോട്​ രാജു, രാഹു താക്കൂർ എന്നിവർ ഗുഡ്​ക ആവശ്യപ്പെടുകയായിരുന്നു. ഇത്​ നൽകാൻ തയാറാകാതിരുന്നതോടെ മണ്ണെണ്ണയൊഴിച്ച്​ തീകൊളുത്തുകയായിരുന്നുവെന്നാണ്​ ഇയാളുടെ സഹോദരൻ മൊഴി നൽകിയത്​​.

പർദേശിയെ തീകൊളുത്തിയ സംഭവത്തിൽ രണ്ട്​​ പേർക്കെതിരെ കേസ്​ രജിസ്​റ്റർ ചെയ്​തിട്ടുണ്ടെന്ന്​ പൊലീസ്​ അറിയിച്ചു. കൊലപാതക ശ്രമം ഉൾപ്പടെയുള്ള വകുപ്പുകൾ ചുമത്തിയാണ്​ ഇവർക്കെതിരെ കേസെടുത്തിരിക്കുന്നത്​.