ധാബോൽക്കർ വധം: പ്രതികളെ കണ്ടെത്തുന്നവർക്ക്​ അഞ്ചു ലക്ഷം വാഗ്ദാനം ചെയ്ത്​സി.ബി.​െഎ

ന്യൂഡൽഹി: യുക്തിവാദി നേതാവ്​നരേന്ദ്ര ധാബോൽക്കറി​െൻറ കൊലപാതകികളെ കണ്ടെത്തുന്നവർക്ക്​ അഞ്ചു ലക്ഷം രൂപ വാഗ്ദാനം ചെയ്ത് സി.ബി.​​െഎ. ധാബോൽക്കർ വധക്കേസിൽ മുഖ്യപ്രതികളായ സാരംഗ്​ അകോൽക്കർ, വിനയ്​പവാർ എന്നിവരെ കുറിച്ച് വിവരം അറിയിക്കുന്നവർക്ക്​ പ്രതിഫലം നൽകുമെന്നാണ്​അറിയിച്ചിരിക്കുന്നത്. കേസിൽ
സി.ബി.​െഎ അന്വേഷണം നീണ്ടു​പോകുന്നതിൽ ബോംബെ ഹൈകോടതി അതൃപ്തി വ്യക്തമാക്കിയിരുന്നു.

2013 ആഗസ്റ്റ്​ 20 നാണ്​ പൂനെയിൽ വെച്ച്​ ധാബോൽക്കറിനെ കൊലപ്പെടുത്തിയത്​. മൂന്നുവർഷം പിന്നിട്ടിട്ടും പ്രതികളെ പിടികൂടാൻ അന്വേഷണസംഘത്തിന്​ കഴിഞ്ഞിട്ടില്ല. ​കൊലപാതകത്തി​െൻറ ആസൂത്രകൻ അലോക്​ ഗോവ ആസ്ഥാനമായുള്ള ഹിന്ദു വലതുപക്ഷ സംഘടനയുമായി ബന്ധമുള്ള വ്യക്തിയാണ്​. ഇയാൾക്ക്​ ഗോവ സ്ഫോടനവുമായി ബന്ധമുണ്ടെന്ന്​ എൻ.​െഎ.എ കണ്ടെത്തിയിരുന്നു.

വിനയ്​ പവാറാണ്​ ധാബോൽക്കറിനെ വെടിവെച്ചതെന്ന്​ തെളിഞ്ഞിരുന്നു. കഴിഞ്ഞ വർഷം സെപ്​തംബറിൽ സി.ബി.​െഎ ഇവർക്കെതിരെ കുറ്റപത്രം സമർപ്പിച്ചിരുന്നു.