വിവാദം തീരുന്നില്ല; പുരസ്​കാരത്തിനു വേണ്ടി ഡി. രൂപ ഗൂഢാലോചന നടത്തിയെന്ന്​ ഫൗണ്ടേഷൻ

ബം​ഗ​ളൂ​രു: ​െഎ.ജി ഡി. രൂപക്ക്​ ‘നമ്മ ബംഗളൂരു’ പുരസ്​കാരം ലഭിച്ചിരുന്നി​െല്ലന്ന്​ സന്നദ്ധ സംഘടനയായ ‘നമ്മ ബംഗളൂരു’ ഫൗണ്ടേഷൻ. ഉയർന്ന തുക സമ്മാനമായി ലഭിക്കുന്ന പുരസ്​കാരം െഎ.ജി നിരസിച്ചതിനു പിറകെയാണ്​ സംഘടനയുടെ വിശദീകരണം.  

​െഎ.ജി രൂപക്ക്​ ഇൗ പുരസ്​കാരം നൽകു​െമന്ന് പ്രഖ്യാപിച്ചിരുന്നില്ല. അതിനാൽ പുരസ്​കാരം നിരസിക്കുന്ന സാഹചര്യവും ഉടലെടുക്കുന്നില്ലെന്ന്​ ഫൗണ്ടേഷൻ ഭാരവാഹികൾ അറിയിച്ചു. പുരസ്​കാരത്തിന്​ നാമനിർദേശം ലഭിച്ചപ്പോൾ തന്നെ അവർ ഗൂഢാലോചന നടത്തി. എന്നാൽ അവസാന വിജയിയാകാൻ സാധിക്കാതെ വന്നതോടെ പുരസ്​കാരം നിരസിക്കുകയാ​െണന്ന്​ പ്രഖ്യാപിച്ചിരിക്കുകയാണെന്നും ഇത്​ അപക്വമായ പെരുമാറ്റമായിപ്പോയെന്നും സംഘടന കുറ്റപ്പെടുത്തി. 

കഴിഞ്ഞ ദിവസമാണ്​  സന്നദ്ധ സംഘടനയായ ‘നമ്മ ബംഗളൂരു’ ഫൗണ്ടേഷ​​​െൻറ പുരസ്​കാരം ​െഎ.ജി രൂപ നിരസിച്ചത്​. ​പുരസ്​കാരം സ്വീകരിക്കാൻ  ത​​​​​െൻറ മനഃസാക്ഷി അനുവദിക്കുന്നില്ലെന്ന്​ വ്യക്​തമാക്കി അവർ ഫൗണ്ടേഷന്​ കത്തയച്ചിരുന്നു. 

വ്യാപാരിയും ബി.ജെ.പി രാജ്യസഭാ എം.പിയുമായ രാജീവ്​ ചന്ദ്രശേഖർ സ്​ഥാപിച്ചതാണ്​ നമ്മ ബംഗളൂരു ഫൗണ്ടേഷൻ. വിവിധ മേഖലകളിൽ മികച്ച ​സേവനമനുഷ്​ഠിക്കുന്നവർക്ക്​ നൽകുന്ന പുരസ്​കാരത്തി​​​​​െൻറ ഒമ്പതാം എഡിഷനിലാണ്​ ഡി. രൂപ തെരഞ്ഞെടുക്കപ്പെട്ടത്​.

ഉദ്യോഗസ്​ഥർ രണ്ടു കോടി രുപ കൈക്കൂലി വാങ്ങി പ​ര​പ്പ​ന അ​ഗ്ര​ഹാ​ര സെ​ൻ​ട്ര​ൽ ജ​യി​ലി​ൽ ജയലളിതയുടെ തോഴി ശ​ശി​ക​ല​ക്ക്​ പ്രത്യേക സൗകര്യങ്ങൾ ഒരുക്കിയെന്ന ഡി. രൂപയുടെ റിപ്പോർട്ട്​ വിവാദമായിരുന്നു. ബംഗളൂരു ​െസൻട്രൽ ജയിലിൽ ശശികലക്ക്​ മാത്രമായി അടുക്കളയും പരിചാരകരുമു​െണ്ടന്നും ഇൗ സൗകര്യങ്ങൾ ലഭിക്കാൻ ​ജയിൽ ഡി.ജി.പി എ​ച്ച്.​എ​ൻ. സ​ത്യ​നാ​രാ​യ​ണ റാ​വുവിന്​ രണ്ടു​ കോടി കൈക്കൂലി നൽകിയെന്നുമായിരുന്നു​ രൂപ ക​െണ്ടത്തിയത്​. ഇതേ തുടർന്ന്​ ജയിൽ ചുമതലയിൽ നിന്നും രൂപയെ കഴിഞ്ഞ വർഷം ട്രാഫിക്കിലേക്ക്​​ സ്​ഥലം മാറ്റിയിരുന്നു. നിലവിൽ ബംഗളൂരുവിലെ ഹോം ഗാർഡ്​, സിവിൽ ഡിഫൻസ്​ ​െഎ.ജിയാണ്​ ഡി. രൂപ. 

‘എല്ലാ സർക്കാർ ഉദ്യോഗസ്​ഥരും രാഷ്​ട്രീയ ലക്ഷ്യങ്ങളുള്ള സംഘടനകളുമായും പ്രസ്​ഥാനങ്ങളുമായും അകലം പാലിക്കുകയും നിഷ്​പക്ഷത വച്ചുപുലർത്തുകയും ചെയ്യണം. എന്നാൽ മാത്രമേ ജനങ്ങളുടെ മുമ്പിൽ നല്ലതും കളങ്കരഹിതവുമായ പ്രതിച്ഛായ സൂക്ഷിക്കാൻ സാധിക്കുകയുള്ളൂ’ എന്ന്​ ഡി. രൂപ ഫൗണ്ടേഷനയച്ച കത്തിൽ പറയുന്നു. വരാനിരിക്കുന്ന തെരഞ്ഞെടുപ്പുമായി ബന്ധപ്പെട്ട്​ ഇത്​ വളരെ പ്രാധാന്യമർഹിക്കുന്നുണ്ടെന്നും രൂപ കൂട്ടിച്ചേർത്തു.

ഗവൺമ​​​​െൻറ്​ ഒഫീഷ്യൽ ഒാഫ്​ ദി ഇയർ എന്ന പുരസ്​കാരത്തിനാണ്​ രൂപയെ നാമനിർദേശം ചെയ്​തത്​​. എട്ട്​ സർക്കാർ ഉദ്യോഗസ്​ഥരിൽ നിന്നും തിരഞ്ഞെടുക്കുന്ന വിജയിയുടെ പേര്​​ ബംഗളൂരുവിൽ സംഘടിപ്പിക്കുന്ന പരിപാടിയിൽ ​െവച്ചാണ്​​ പ്രഖ്യാപിക്കുക.