Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഡി. പാണ്ഡ്യൻ: ഇടത്​...

ഡി. പാണ്ഡ്യൻ: ഇടത്​ പാർട്ടികളുടെ ലയനം സ്വപ്​നം കണ്ട നേതാവ്​

text_fields
bookmark_border
d pandian
cancel

ചെന്നൈ: ഇടത്​ പാർട്ടികളുടെ ലയനം സ്വപ്​നം കണ്ട അപൂർവം നേതാക്കളിലൊരാളായിരുന്നു ഡി. പാണ്ഡ്യൻ. 88-ാം വയസിൽ വിടവാങ്ങും വരെ ആ ഐക്യത്തിന്​ വേണ്ടി നിലകൊള്ളുകയും അത്​ ഉറ​െക്ക പറയുകയും ചെയ്​ത പാണ്ഡ്യൻ ഇടത്​ രാഷ്​ട്രീയത്തിൽ വേറിട്ട വഴികളിലൂടെ സഞ്ചരിച്ച നേതാവ്​ കൂടിയായിരുന്നു.

സി.പി.ഐ- സി.പി.എം ലയനം നടക്കാത്തതിൽ അദ്ദേഹം എന്നും ​േവദനിച്ചിരുന്നു​. ഇടതല്ലാത്ത മറ്റ്​ പാർട്ടികളുമായുള്ള സഹകരണത്തെ കുറിച്ച്​ ആലോചിക്കുന്നതിന്​ മുമ്പ്​ ഇരു കമ്യൂണിസ്റ്റ്​ പാർട്ടികളും പരസ്​പരം ലയിക്കണമെന്നതായിരുന്നു നിലപാട്​. അത്​ അഭിമുഖങ്ങളിൽ തുറന്ന്​ പറയുകയും ചെയ്​തു. ഇരു പാർട്ടികളിലെയും ഭൂരിപക്ഷം പ്രവർത്തകരും ലയനം ആഗ്രഹിക്കുന്നുണ്ട്​. എന്നിട്ടും നേതാക്കൾ അതിന്​ വേണ്ടി ശ്രമിക്കുന്നില്ലെന്ന്​ അദ്ദേഹം പരിതപിച്ചു​. ​

ഇന്ത്യയുടെ മതേതരത്വവും ബഹുസ്വരതയും കടുത്ത വെല്ലുവിളികൾ നേരിടുന്ന സാഹചര്യത്തിൽ സംഘപരിവാര്‍ അജണ്ടകൾക്കെതിരെ വിശാലമായ ചെറുത്തുനിൽപ്പുണ്ടാകണമെന്ന നിലപാടും അദ്ദേഹം ഉയർത്തിപ്പിടിച്ചിരുന്നു.

രാജീവ്​ ഗാന്ധി കൊല്ലപ്പെടു​​േമ്പാൾ പരിഭാഷകനായി ഒപ്പമുണ്ടായിരുന്നത്​ പാണ്ഡ്യൻ


ഡി പാണ്ഡ്യനും രാജീവ്​ ഗാന്ധിയും (ഫയൽ ചിത്രം)

രാജീവ്​ ഗാന്ധി കൊല്ലപ്പെടുന്ന ശ്രീപെരുമ്പുത്തൂരില്‍ അ​​േ​ദ്ദഹത്തിന്‍റെ പ്രസംഗം പരിഭാഷപ്പെടുത്താൻ നിയോഗിച്ചിരുന്നത്​ ഇംഗ്ലീഷ്​ അദ്ധ്യാപകൻ കൂടിയായ ഡി.പാണ്ഡ്യനെയായിരുന്നു. അ​േദ്ദഹത്തിന്‍റെ ഇടത്​ വശത്ത്​ പരിഭാഷകനായി പാണ്ഡ്യനും വലത്​ വശത്ത്​ ബോഡിഗാര്‍ഡ​ുമാണ്​ സ്​ഫോടന സമയത്തുണ്ടായിരുന്നത്​​. സുരക്ഷാ ഉദ്യോഗസ്ഥർ ചിന്നിച്ചിതറിയപ്പോൾ, പത്തടി ദൂരത്തേക്ക്​ തെറിച്ച്​ വീണതാണ്​ പാണ്ഡ്യന്​ ഭാഗ്യമായത്​. ശരീരമാസകലം പൊള്ളലേറ്റ പാണ്ഡ്യൻ ദീർഘകാലത്തെ ആശുപത്രിവാസ​ ശേഷമാണ്​ ജീവിതത്തിലേക്ക്​ തിരിച്ച്​ വന്നത്​. ആശുപത്രി കിടക്കയിൽ നിന്ന്​ തന്നെ ലോക്‌സഭയിലേക്ക്​ മത്സരിച്ച് വിജയിക്കുകയും ചെയ്​തു. അന്ന്​ ശരീരത്തിൽ തുളച്ച്​ കയറിയ ലോഹകഷണങ്ങളുമായാണ്​ അദ്ദേഹം പിന്നീടുള്ള കാലം ജീവിച്ചത്​.

ജയലളിതയുടെ പിറന്നാള്‍ ആശംസ



ഡി.പാണ്ഡ്യന്‍റെ എൺപതാം പിറന്നാളിന്​ തമിഴകത്തിന്‍റെ പുരട്ച്ചി തലൈവി ജയലളിത വീട്ടിലെത്തി ആ​ശംസ നേർന്നത്​ വാർത്തയായപ്പോൾ, അവരുമായി പാർട്ടി തലത്തിലുള്ള ബന്ധം മാ​ത്രമാണുണ്ടായിരുന്നതെന്നായിരുന്നു അദ്ദേഹത്തിന്‍റെ നിലപാട്​. എന്തിന്​ വന്നു എന്ന്​ അവരോട്​ തന്നെ ചോദിക്കണമെന്നും വിശദീകരിച്ചു.

കാരൈക്കുടിയിലെ അളകപ്പ കോളേജില്‍ ഇംഗ്ലീഷ് അദ്ധ്യാപകനായിരുന്ന അദ്ദേഹം റെയില്‍വെ തൊഴിലാളികളെ സംഘടിപ്പിച്ചാണ്​ രാഷ്​ട്രീയത്തില്‍ സജീവമായത്. ഇംഗ്ലീഷ് സാഹിത്യം, നിയമം എന്നിവയിൽ ബിരുദം നേടിയിട്ടുണ്ട്. ഇന്ത്യൻ റയിൽവേ ലേബർ യൂനിയൻ പ്രസിഡന്‍റ്​​, സി.പി.ഐ മുഖപത്രമായ ജനശക്തിയുടെ പത്രാധിപർ, തമിഴ്‌നാട് ആർട്ട് ആൻഡ്​​ ലിറ്റററി ഫെഡറേഷൻ ജനറൽ സെക്രട്ടറി തുടങ്ങിയ നിലകളിൽ പ്രവർത്തിച്ചു. നിരവധി പുസ്തകങ്ങളും രചിച്ചിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:CPIRAJEEV GANDHIJ Jayalalithaad pandian
News Summary - D Pandian, CPI leader, dies in Chennai
Next Story