Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightടാറ്റാ സൺസ്​ ചെയർമാൻ...

ടാറ്റാ സൺസ്​ ചെയർമാൻ പദവിയിൽ നിന്നും സൈറസ്​ മിസ്​ത്രിയെ ഒഴിവാക്കി

text_fields
bookmark_border
ടാറ്റാ സൺസ്​ ചെയർമാൻ പദവിയിൽ നിന്നും സൈറസ്​ മിസ്​ത്രിയെ ഒഴിവാക്കി
cancel

ന്യൂഡൽഹി:  ടാറ്റാ സണ്‍സ് ചെയര്‍മാൻ പദവിയിൽ നിന്നും സൈറസ് പി. മിസ്ത്രിയെ ഒഴിവാക്കി. തിങ്കളാഴ്​ച ചേർന്ന കമ്പനി ബോർഡ്​ യോഗത്തിലാണ്​ സൈറസ്​ മിസ്​ത്രിയെ പദവിയിൽ നിന്നും മാറ്റാൻ തീരുമാനമായത്​​. താൽക്കാലിക ചെയർമാനായി രത്തൻ ടാറ്റ സ്ഥാനമേൽക്കുമെന്നാണ്​ റിപ്പോർട്ട്​.

ടാറ്റാ സൺസി​​െൻറ അടുത്ത ചെയർമാനെ തെരഞ്ഞെടുക്കുന്നതിനായി ബോർഡ്​ സെലക്​ഷൻ കമ്മറ്റിയെ നിയോഗിച്ചിട്ടുണ്ട്​. രത്തൻ ടാറ്റ, വേണു ശ്രീനിവാസൻ, അമിത്​ ചന്ദ്ര,  റോനെൻ സെൻ, ലോഡ്​ കുമാർ ഭട്ടാചാര്യ എന്നിവരാണ്​ സെലക്ഷൻ കമ്മറ്റിയിലുള്ളത്​. നാലുമാസത്തിനുള്ളിൽ പുതിയ ചെയർമാനെ തെരഞ്ഞെടുക്കുമെന്നാണ്​ ബോർഡ്​ യോഗത്തിൽ  തീരുമാനിച്ചിരിക്കുന്നത്​.

2012 ലാണ് സൈറസ് പി. മിസ്ത്രിയെ ടാറ്റാ സണ്‍സ് ചെയര്‍മാനായി നിയമിച്ചത്​.  2012 ഡിസംബർ  28ന്  രത്തന്‍ ടാറ്റ  സ്ഥാനമൊഴിഞ്ഞപ്പോൾ താൽക്കാലിക ചെയർമാനായി സൈറസ് മിസ്ത്രി ചുമതലയേല്‍ക്കുകയും പിന്നീട്​ ടാറ്റാ സണ്‍സിന്റെ ഡയറക്ടര്‍ ബോര്‍ഡ് യോഗം  അദ്ദേഹത്തെ നിയമിക്കുകയുമായിരുന്നു.

ടാറ്റാ ഗ്രൂപ്പ് കമ്പനികളുടെ ഹോള്‍ഡിംഗ് കമ്പനിയാണ്​ ടാറ്റാ സൺസ്​. ടാറ്റാ ഗ്രൂപ്പിലെ ഏറ്റവും വലിയ ഓഹരി ഉടമകളായ പല്ലോഞ്ചി മിസ്ത്രിയുടെ മകനാണ് സൈറസ്​ മിസ്​ത്രി.

Show Full Article
TAGS:tata sons ratan tata cyrus mistry tata group 
News Summary - Cyrus Mistry Out As Tata Sons Chairman
Next Story