ബംഗാളിലും ഒഡിഷയിലും ‘ബു​ൾബുൾ’ ആഞ്ഞടിച്ചു; 12 മരണം

കൊ​ൽ​ക്ക​ത്ത: ഒ​ഡി​ഷ​യി​ലും പ​ശ്ചി​മ ബം​ഗാ​ളി​ലെ തീ​ര​ദേ​ശ ജി​ല്ല​ക​ളി​ലും ആ​ഞ്ഞ​ടി​ച്ച ‘ബു​ൾ​ബു​ൾ’ ചു​ഴ ​ലി​ക്കാ​റ്റ്​ 12 ജീ​വ​ൻ ക​വ​ർ​ന്നു. ക​ന​ത്ത മ​ഴ​യോ​ടു​കൂ​ടി ഞാ​യ​റാ​ഴ്​​ച പു​ല​ർ​ച്ച മ​ണി​ക്കൂ​റി​ൽ 120 കി​ല ോ​മീ​റ്റ​ർ വേ​ഗ​ത്തി​ലാ​ണ്​ ബു​ൾ​ബു​ൾ എ​ത്തി​യ​ത്. പി​ന്നീ​ട്​ ശ​ക്തി കു​റ​ഞ്ഞ്​ ബം​ഗ്ലാ​ദേ​ശ്​ ഭാ​ഗ​ത്തേ ​ക്ക്​ നീ​ങ്ങി​യ​താ​യി കാ​ലാ​വ​സ്​​ഥ നി​രീ​ക്ഷ​ണ​കേ​ന്ദ്രം അ​റി​യി​ച്ചു. ശ​നി​യാ​ഴ്​​ച​ത​ന്നെ മ​ഴ​ ആ​രം​ഭി​ച്ചി​രു​ന്നു. ശ​ക്ത​മാ​യ കാ​റ്റി​ൽ നൂ​റു​ക​ണ​ക്കി​ന്​ മ​ര​ങ്ങ​ൾ ക​ട​പു​ഴ​കി. ന​ഗ​ര​ത്തി​ലും തൊ​ട്ടു​ചേ​ർ​ന്ന പ്ര​ദേ​ശ​ങ്ങ​ളി​ലെ​യും കേ​ബി​ളു​ക​ൾ പാ​ടെ അ​വ​താ​ള​ത്തി​ലാ​യി. വൈ​ദ്യു​തി വി​ച്ഛേ​ദി​ക്ക​പ്പെ​ട്ട്​ പ​ല​യി​ട​ങ്ങ​ളും ഒ​റ്റ​പ്പെ​ട്ട നി​ല​യി​ലാ​ണ്. കെ​ടു​തി​ക​ൾ 2.73ല​ക്ഷം കു​ടും​ബ​ങ്ങ​ളെ ബാ​ധി​ച്ച​താ​യാ​ണ്​ റി​പ്പോ​ർ​ട്ട്.

നോ​ർ​ത്ത്​ പ​ർ​ഗാ​ന​യി​ൽ മാ​ത്രം അ​ഞ്ചു​ പേ​രാ​ണ്​ മ​രി​ച്ച​ത്. മ​രം​വീ​ണും വൈ​ദ്യു​താ​ഘാ​ത​മേ​റ്റും മ​തി​ലി​ടി​ഞ്ഞു​മാ​ണ്​ മ​ര​ണം. കൊ​ൽ​ക്ക​ത്ത മു​നി​സി​പ്പ​ൽ കോ​ർ​​പ​റേ​ഷ​ൻ ജീ​വ​ന​ക്കാ​ർ​ക്കൊ​പ്പം പൊ​ലീ​സും ദേ​ശീ​യ ദു​ര​ന്ത​നി​വാ​ര​ണ​സേ​ന​യ​ും മ​ര​ങ്ങ​ൾ വെ​ട്ടി​നീ​ക്കി ത​ട​സ്സ​ങ്ങ​ൾ നീ​ക്കാ​ൻ മു​ന്നി​ട്ടി​റ​ങ്ങി. ഒ​ഡി​ഷ​യി​ൽ ര​ണ്ടു പേ​രാ​ണ്​ മ​രി​ച്ച​ത്.

ബു​ൾ​ബു​ൾ ബം​ഗ്ലാ​ദേ​ശി​ലും വീ​ശി​യ​ടി​ച്ച​തി​ൽ 10 പേ​ർ മ​രി​ച്ച​താ​യി റി​പ്പോ​ർ​ട്ടു​ണ്ട്. ഇ​വി​ടെ 21 ല​ക്ഷം പേ​രെ മാ​റ്റി​പ്പാ​ർ​പ്പി​ച്ചു. അ​ടു​ത്ത 12​ മ​ണി​ക്കൂ​റി​നു​ള്ളി​ൽ മ​ഴ​യു​ടെ തീ​വ്ര​ത​യി​ൽ മാ​റ്റം വ​രു​മെ​ന്നാ​ണ്​ കാ​ലാ​വ​സ്​​ഥ നി​രീ​ക്ഷ​ണ​കേ​ന്ദ്രം പ​റ​യു​ന്ന​ത്.