യു.പി പീഡനവും കസ്​റ്റഡി മരണവും: മനുഷ്യാവകാശ കമീഷൻ റിപ്പോർട്ട്​ തേടി

ന്യൂഡൽഹി: ബി.ജെ.പി എം.എല്‍.എയുടെ ലൈംഗിക പീഡനത്തിനിരയായ 18കാരിയുടെ പിതാവ് ഉന്നാവോയിൽ പോലീസ്​ കസ്​റ്റഡിയിൽ മരിച്ചസംഭവത്തില്‍ കേന്ദ്ര മനുഷ്യാവകാശ കമീഷൻ ഉത്തർപ്രദേശ്​ സർക്കാറിനോട്​ വിശദമായ റിപ്പോർട്ട്​ തേടി. ഇരയുടെ കുടുംബത്തിന്​ സു​രക്ഷ നൽകണമെന്നും കമീഷൻ സർക്കാറിനോട്​ ആവശ്യപ്പെട്ടു. അതേസമയം, ബി.ജെ.പി എം.എല്‍.എ കുല്‍ദീപ് സിങ്​ സെന്‍ഗാറി​​​െൻറ സഹോദരന്‍ അതുല്‍ സിങ്​ സെന്‍ഗാറിനെ പെൺകുട്ടിയുടെ പിതാവ്​ കൊല്ലപ്പെടും മുമ്പ്​ മ​ർദിച്ചെന്ന കുറ്റത്തിന്​ അറസ്​റ്റ്​ ചെയ്​തു. 

ഉന്നയിക്കപ്പെട്ട ആരോപണങ്ങൾ ശരിയാണെങ്കിൽ ഗൗരവമേറിയതാണെന്ന്​ കേന്ദ്ര മനുഷ്യാവകാ​ശ കമീഷൻ ചൂണ്ടിക്കാട്ടി. പെൺകുട്ടിയുടെ പരാതിയിൽ കേസെടുക്കാത്ത പൊലീസുകാർ​െക്കതിരെ നടപടിയെടുക്കണമെന്നും കമീഷൻ ആവശ്യപ്പെട്ടു. എം.എല്‍.എ കുല്‍ദീപ് തന്നെ പീഡിപ്പി​െച്ചന്ന്​ പെണ്‍കുട്ടി നേരത്തേ പരാതിയുമായി രംഗത്തുവന്നിട്ടും പരിഹാര നടപടി ഉണ്ടായില്ല. ഇതേ തുടർന്ന്​ പെണ്‍കുട്ടിയും കുടുംബവും മുഖ്യമന്ത്രി യോഗി ആദിത്യനാഥി​​​െൻറ ഭവനത്തിന് മുന്നില്‍ കൂട്ട ആത്മഹത്യക്ക്​ ശ്രമിച്ചു​. തുടർന്ന്​  കസ്​റ്റഡിയിലെടുത്ത പിതാവ്​ പൊലീസ്​ മർദനത്തെ തുടർന്ന്​ മരിച്ചു.

കടുത്ത ശാരീരിക പീഡനവും പരിക്കും ഏറ്റാണ്​ മരണമെന്ന്​ ​േപാസ്​റ്റ്​ മോർട്ടത്തിൽ വ്യക്തമായിരുന്നു. പിതാവിനെ ക്രൂരമായി മർദിച്ചതിനാലാണ് എം.എല്‍.എയുടെ സഹോദരൻ അതുൽ സിങ്ങിനെ അറസ്​റ്റ്​ ചെയ്തതെന്ന് പൊലീസ് വ്യക്തമാക്കി. സംഭവത്തില്‍ നേരത്തേ നാലു പൊലീസുകാരെ സസ്‌പെന്‍ഡ് ചെയ്തിരുന്നു.