ജമ്മുവിൽ വ്യാപക അക്രമം; കർഫ്യു പ്രഖ്യാപിച്ചു

ശ്രീനഗർ: പുൽവാമയിൽ 39 സൈനികരുടെ മരണത്തിനിടയാക്കിയ ഭീകരാക്രമണം ഉണ്ടായതിന്​ പിന്നാലെ ജമ്മുകശ്​മീരിൽ വ്യാപക അക ്രമം. അക്രമസംഭവങ്ങളിൽ 12 പേർക്ക്​ പരിക്കേൽക്കുകയും നിരവധി വാഹനങ്ങൾ അഗ്​നിക്കിരയാക്കുകയും ചെയ്​തു. സ്ഥിതിഗതിക ൾ നിയന്ത്രിക്കാൻ കൂടുതൽ സുരക്ഷാസേന ജമ്മുകശ്​മീരിലേക്ക്​ തിരിച്ചിട്ടുണ്ട്​.

ജമ്മുവിൽ വെള്ളിയാഴ്​ച പ്രഖ്യാപിച്ച ബന്ദിനിടെയാണ്​ അക്രമസംഭവങ്ങൾ അരങ്ങേറിയത്​. ക്രമസമാധാനപാലനം ഉറപ്പാക്കാൻ എല്ലാവരും സഹകരിക്കണമെന്ന്​ സൈന്യം അഭ്യർഥിച്ചു. കശ്​മീരിൽ രണ്ട്​ തവണ സൈന്യം റൂട്ട്​ മാർച്ച്​ നടത്തുകയും ചെയ്​തു. കർഫ്യു പ്രഖ്യാപിച്ചിട്ടുണ്ടെന്ന്​ മൈക്കുകളിലുടെ സൈന്യം അറിയിക്കുന്നുണ്ടെങ്കിലും ഇതും അവഗണിച്ച്​ പ്രക്ഷോഭങ്ങൾ തുടരുകയാണ്​.

ജമ്മുവിലെ ജ്വൽ ചൗക്ക്​, പൂർണ്ണ മുൻഡി, രേഹാരി, ശക്​തിനഗർ, പെക്ക ഡാങ്ക, ജാനിപുർ, ഗാന്ധിനഗർ, ബക്ഷിനഗർ തുടങ്ങിയ സ്ഥലങ്ങളിലാണ്​ പ്രധാനമായും പ്രതിഷേധങ്ങൾ നടക്കുന്നത്​.