ക്രൂഡോയിലിന് 68 ഡോളറായി; മോദി പെട്രോളിന് വില കൂട്ടുന്നില്ലേ?

അന്താരാഷ്​ട്ര വിപണിയിൽ ക്രൂഡ്​ ഓയിൽ വില 68 ഡോളർ കടന്ന്​ കുതിക്കു​േമ്പാഴും ഇന്ത്യയിൽ മാറ്റമില്ലാതെ ഇന്ധനവില. നേരത്തെ ഒരു ഡോളറിന്‍റെ മാറ്റം അന്താരാഷ്​ട്ര വിപണിയിൽ ഉണ്ടായാൽ പോലും ഇന്ത്യയിൽ വില കൂട്ടുമായിരുന്നു. ഇത്തരത്തിൽ തുടർച്ചയായി മൂന്നാഴ്ചയോളം കാലം ഇന്ത്യയിൽ എണ്ണവില ഉയരുകയും ചെയ്​തു. എന്നാൽ, അഗോള വിപണിയിൽ വില ഉയർന്നിട്ടും കഴിഞ്ഞ രണ്ടാഴ്ചയായി എന്തുകൊണ്ടാണ്​ എണ്ണ കമ്പനികൾ വില കൂട്ടാത്തതെന്നാണ്​ എല്ലാവരും ചോദിക്കുന്നത്​.

അഞ്ച്​ സംസ്ഥാനങ്ങളിലേക്കുള്ള തെരഞ്ഞെടുപ്പിന്‍റെ പടിവാതിൽക്കലാണ്​ രാജ്യം. ഏപ്രിലിൽ വിവിധ ഘട്ടങ്ങളിലായി കേരളം, തമിഴ്​നാട്​, അസം, പശ്​ചിമബംഗാൾ, പുത​ുച്ചേരി തുടങ്ങിയ സംസ്ഥാനങ്ങളിലാണ്​ തെരഞ്ഞെടുപ്പ്​ നടക്കുന്നത്​. തെരഞ്ഞെടുപ്പിൽ രാജ്യം ഭരിക്കുന്ന ബി.ജെ.പി മുന്നണിക്കെതി​രായ പ്രധാന പ്രചാരണ വിഷയങ്ങളിലൊന്ന്​ എണ്ണവില വർധനയാണ്​.

യു.പി.എ ഭരണകാലത്ത്​ അന്താരാഷ്​ട്ര വിപണിയിൽ എണ്ണവില 100 ഡോളർ കഴിഞ്ഞ കുതിച്ചപ്പോഴും ഇന്ത്യയിൽ പെട്രോൾ, ഡീസൽ വില ഇത്രത്തോളം ഉയർന്നിരുന്നില്ല. പക്ഷേ നരേന്ദ്ര മോദി ഭരണത്തിൽ അന്താരാഷ്​ട്ര വിപണിയിൽ എണ്ണ വില 68 ഡോളറായി തുടരു​േമ്പാഴും പെട്രോൾ വില 90 രൂപയും ഡീസൽ വില 85ഉം കടന്ന്​ കുതിക്കുകയാണ്​.

വില കുതിച്ചുയർന്നപ്പോൾ ഇക്കാര്യത്തിൽ പ്രധാനമന്ത്രി ഇടപെടണമെന്ന്​ ആവശ്യമുയർന്നു. എന്നാൽ, വിലനിർണയാധികാരം എണ്ണ കമ്പനികൾക്കാണെന്നും ഇതിൽ തനിക്കൊന്നും ചെയ്യാനില്ലെന്നുമായിരുന്നു പ്രധാനമന്ത്രിയുടെ മറുപടി.

ധനമന്ത്രി നിർമല സീതാരാമനും സമാനമായ വിശദീകരണമാണ്​ നൽകിയത്​. ജി.എസ്​.ടിയിൽ ഉൾപ്പെടുത്തുന്നത്​ മാത്രമാണ്​ വില കുറക്കാനുള്ള ഏക പോംവഴിയെന്നും നിർമല പറഞ്ഞു.

പക്ഷേ കഴിഞ്ഞ രണ്ടാഴ്ചയായി ഇന്ത്യയിൽ പെട്രോൾ ഡീസൽ വില ഉയർന്നിട്ടില്ല. അന്തരാഷ്​ട്ര വിപണിയിൽ വില വർധിച്ചിട്ടും ഇന്ത്യയിൽ വില കൂട്ടാൻ എണ്ണ കമ്പനികൾ തയാറായില്ല. തെരഞ്ഞെടുപ്പ്​ തീയതി പ്രഖ്യാപിക്കു​േമ്പാൾ ഇന്ത്യ ഉപയോഗിക്കുന്ന ബ്രെന്‍റ്​ ക്രൂഡിന്​ അന്താരാഷ്​ട്ര വിപണിയിൽ 63 ഡോളറാണ്​ വില.

എന്നാൽ, തെരഞ്ഞെടുപ്പ്​ പ്രഖ്യാപിച്ച്​ രണ്ടാഴ്ച പിന്നിടു​േമ്പാൾ വിപണിയിൽ ബ്രെന്‍റ്​ ക്രുഡിന്‍റെ വില 68 ഡോളർ കടന്നു. വില വർധിച്ചിട്ടും ഇന്ത്യയിലെ എണ്ണവില കൂട്ടാൻ കമ്പനികൾ തയാറായിട്ടില്ല. തെരഞ്ഞെടുപ്പ്​ കാലത്ത്​ ജനരോഷം ഒഴിവാക്കാൻ മോദി സർക്കാറിന്‍റെ നടത്തിയ ഇടപെടലാണ്​ ഇപ്പോഴത്തെ എണ്ണവില വർധനവിനെ പിടിച്ചു നിർത്തുന്നത്​.

മുമ്പും തെരഞ്ഞെടുപ്പ്​ സമയത്ത്​ ഇന്ധനവില ഇതുപോലെ സർക്കാർ പിടിച്ച്​ നിർത്തിയിട്ടുണ്ട്​. തെരഞ്ഞെടുപ്പിന്​ ശേഷം പൂർവാധികം ശക്​തിയോ​െട എണ്ണകമ്പനികൾ വില കൂട്ടിയിട്ടുമുണ്ട്​. അതുതന്നെയാണ്​ ഇത്തവണയുമുണ്ടാവുകയെന്നാണ്​ സാധാരണ ജനങ്ങൾ പറയുന്നത്​. രണ്ടാഴ്ചയായി വില ഉയരാതിരുന്നതോടെ എണ്ണവില വർധനവിൽ ഇടപെടാനാകില്ലെന്ന പ്രധാനമന്ത്രിയുടേയും ധനമന്ത്രിയുടേയും വാദങ്ങൾ കൂടിയാണ്​ പൊളിയുന്നത്.