ഛത്തീസ്​ഗഡിൽ കുഴിബോംബ്​ സ്​ഫോടനം; സി.ആർ.പി.എഫ്​ ജവാൻ കൊല്ല​െപ്പട്ടു

റായ്​പൂർ: ഛത്തീസ്​ഗഡിലെ സുക്​മയിൽ കുഴിബോംബ്​ സ്​ഫോടനത്തിൽ ഒരു സി.ആർ.പി.എഫ്​ ജവാൻ കൊല്ലപ്പെട്ടു. സി.ആർ.പി.എഫ്​ കോബ്ര യൂണിറ്റിലെ സബ്​ ഇൻസ്​​െപക്​ടർ രാജേഷ്​ കുമാറാണ്​ മരിച്ചത്​. ഒരു ജവാന്​ പരിക്കറ്റു. പുസ്വാദയിലെ വനമേഖലയിൽ കോബ്ര 206മത്​ ബറ്റാലിയ​​​െൻറ റോഡ്​ ഉദ്​ഘാടനത്തിനിടെ രാവി​െലയാണ്​ അപകടം. 

തിമിൽവാഡയിൽ നിന്ന്​ ദോർണപാലിലേക്കുള്ള റോഡ്​ ഉദ്​ഘാടനമായിരുന്നു നടന്നത്​. കോൺ​സ്​റ്റബിൾ മാണിക്​ തിംബറിനാണ്​ പരിക്കേറ്റത്​. ഇദ്ദേഹത്തെ എയർആംബുലൻസിൽ റായ്​പൂരിലേക്ക്​ വിദഗ്​ധ ചികിത്​സക്കായി മാറ്റി. സംഭവത്തെ തുടർന്ന്​ സുരക്ഷാ ഉദ്യോഗസ്​ഥർ പ്രദേശം വളഞ്ഞിട്ടുണ്ട്​.