സി.ആർ.പി.എഫ്​ ജവാൻ മൂന്ന്​ സഹപ്രവർത്തകരെ വെടിവെച്ച്​ കൊന്നു

ശ്രീനഗർ: ജമ്മുകശ്​മീരിൽ സി.ആർ.പി.എഫ്​ ജവാൻ മൂന്ന്​ സഹപ്രവർത്തകരെ വെടിവെച്ച്​ കൊലപ്പെടുത്തി. ഉദംപൂരിലെ സൈനിക ക്യാമ്പിൽ ബുധനാഴ്​ച രാത്രിയായിരുന്നു സംഭവം. സഹപ്രവർത്തകരെ വെടിവെച്ചതിന്​ ശേഷം സ്വയം നിറയൊഴിച്ച ജവാ​​​െൻറ നിലയും ഗുരുതരമായി തുടരുകയാണ്​. ഇയാൾ സൈനിക ആശുപത്രിയിൽ ചികിൽസയിലാണ്​.

രാജസ്ഥാനിൽ നിന്നുള്ള പൊകാർമൽ ആർ, ഡൽഹിയിലെ യോഗേന്ദ്ര ശർമ്മ, ഹരിയാനയിലെ ഉമേദ്​ സിങ്​ എന്നിവരാണ്​ കൊല്ലപ്പെട്ടത്​. യു.പിയിൽ നിന്നുള്ള അജിത്​ കുമാറാണ്​ സഹപ്രവർത്തകർക്കെതിരെ വെടിയുതിർത്തത്​. വെടിയുതിർത്തതി​​​െൻറ കാരണം വ്യക്​തമല്ല.

സംഭവത്തെ തുടർന്ന്​ ഉന്നത ഉദ്യോഗസ്ഥർ സൈനിക ക്യാമ്പിലെത്തി. മൂന്ന്​ പേർ കൊല്ലപ്പെട്ട വിവരം സി.ആർ.പി.എഫ്​ കമാൻഡൻറ്​ ഹരീന്ദ്ര കുമാർ സ്ഥിരീകരിച്ചു.