ഗോവ ബീച്ചിൽ വെച്ച് യുവതിയെ പിഡീപ്പിക്കാൻ ശ്രമിച്ച ജവാൻ അറസ്റ്റിൽ

പനാജി: ഗോവ ബീച്ചിൽ വെച്ച് യുവതിയെ പിഡീപ്പിക്കാൻ ശ്രമിച്ച സി.ആർ.പി.എഫ് കോൺസ്റ്റബിൾ അറസ്റ്റിൽ. രാജസ്ഥാൻ സ്വദേശി യായ രാജ്വീർ പ്രഭൂദയാൽ സിങ് (43) എന്നയാളാണ് അറസ്റ്റിലായത്. സി.ആർ.പി.എഫ് കോൺസ്റ്റബിൾ ആയ പ്രതി മധ്യപ്രദേശിലെ റിക്രൂട്ട് ട്രെയിനിങ് സെന്ററിലാണ് ജോലി ചെയ്യുന്നത്.

ചൊവ്വാഴ്ച വൈകീട്ട് നാലരയോടെയാണ് സംഭവം. ഗോവയിലെ കലാൻഗുട്ട് ബീച്ചിൽ കുളിക്കുകയായിരുന്ന യുവതിക്കാണ് ദുരനുഭവം. ജവാനും ഇതേ ബീച്ചിൽ കുളിക്കുകയായിരുന്നു. ഇയാൾ യുവതിയോടെ ലൈംഗിക ഉദ്ദേശ്യത്തോടെ സംസാരിക്കുകയും സ്പർശിക്കുകയും ചെയ്തെന്നാണ് ആരോപണം. യുവതിയുടെ ഭർത്താവും മക്കളും സമീപത്തുണ്ടായിരിക്കെയാണ് ഇയാൾ അപമര്യാദയായി പെരുമാറിയത്. തുടർന്ന് യുവതി പൊലീസിൽ പരാതിപ്പെടുകയായിരുന്നു.