കശ്​മീരിൽ സി.ആർ.പി.എഫ്​ ഉദ്യോഗസ്ഥൻ ജീവനൊടുക്കി

ന്യൂഡൽഹി: കശ്​മീരിലെ സി.ആർ.പി.എഫ്​ അസി.​ കമാൻഡൻറ്​ അരവിന്ദിനെ (33) ആത്​മഹത്യ ചെയ്​ത നിലയിൽ കണ്ടെത്തി. സർവിസ്​ തോ ക്കുപയോഗിച്ച്​ സ്വയം വെടിവെച്ചതായാണ്​ കരുതുന്നത്​. അനന്തനാഗിലെ സദർ മേഖലയിൽ ഇദ്ദേഹം താമസിച്ചിരുന്ന വീട്ടിലായിരുന്നു​ മൃതദേഹം​. കോയമ്പത്തൂർ സ്വദേശിയായ അരവിന്ദ്​ 2014ലാണ്​ സർവിസിൽ പ്രവേശിച്ചത്​. കുടുംബപ്രശ്​നങ്ങളാണ്​ ആത്​മഹത്യയിലേക്കു​ നയിച്ചതെന്നാണ് അന്വേഷണ ഉദ്യോഗസ്ഥരുടെ​ പ്രാഥമിക നിഗമനം.