Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാജ്യസഭയിൽ 54 എം.പിമാർ ...

രാജ്യസഭയിൽ 54 എം.പിമാർ ക്രിമിനൽ കേസ് ​​പ്രതികൾ; മുന്നിൽ ബി.ജെ.പി

text_fields
bookmark_border
രാജ്യസഭയിൽ 54 എം.പിമാർ ക്രിമിനൽ കേസ് ​​പ്രതികൾ; മുന്നിൽ ബി.ജെ.പി
cancel

ന്യൂഡൽഹി: രാജ്യസഭ എം.പിമാരിൽ 54 പേർക്കെതിരെ​ ക്രിമിനൽ കേസുകളുള്ളതായി വെളിപ്പെടുത്തൽ. ഇതിൽ 14 പേരും​ ബി.ജെ.പിയെ പ്രതിനിധീകരിക്കുന്നവരാണ്​. കോൺഗ്രസിലെ എട്ടുപേർക്കെതിരെയും കേസുകളുണ്ട്​. എം.പിമാർ സ്വയം സാക്ഷ്യപ്പെടുത്തി നൽകിയ സത്യവാങ്​മൂലത്തിലാണ്​ ഈ വിവരമുള്ളത്​.​ 62.67 കോടി രൂപയാണ്​ എം.പിമാരുടെ ശരാശരി ആസ്തി.

54ൽ 28 പേർക്കെതിരെ ഗുരുതരമായ ക്രിമിനൽ കേസുകളാണ്​ നിലവിലുള്ളത്​. ഇത്​ മൊത്തം അംഗസംഖ്യയുടെ 12 ശതമാനം വരും. ബി.ജെ.പി എം.പിയായ പ്രതാപ്​സിങ്​​ മഹാരാജ്​ കൊലപാതകക്കേസിൽ പ്രതിയാണ്​. രാജസ്​ഥാനിൽനിന്ന്​ തെരഞ്ഞെടുക്കപ്പെട്ട മലയാളിയായ കെ.സി വേണുഗോപാൽ അടക്കം നാലുപേർക്കെതിരെ സ്​ത്രീപീഡനക്കേസും നിലവിലുണ്ട്​. കൊലപാതകശ്രമത്തിന്​ നാല്​ എം‌പിമാർക്കെതിരെ കേസുകളുണ്ട്​. 

77 എം.പിമാരുള്ള ബി.ജെ.പിയിൽ അഞ്ചുപേർക്കെതിരെയാണ്​ ഗുരുതര ക്രിമിനൽ കേസുകളുള്ളത്​. കോൺഗ്രസ്​ (ആറ്​), തൃണമൂൽ (ഒന്ന്​), ബി.ജെ.ഡി (ഒന്ന്​), വൈ.എസ്.ആർ.‌സി.‌പി (മൂന്ന്​), ആർ‌.ജെ.‌ഡി (മൂന്ന്​) എന്നിങ്ങനെയാണ്​ ഗുരുതര ക്രിമിനൽ കേസിൽ പ്രതികളായ മറ്റുപാർട്ടികളിലെ എം.പിമാർ.

ബി.ജെ.ഡി, വൈ.എസ്.ആർ.സി.പി പാർട്ടികളിലെ മൂന്ന്​ പേർ വീതവും എസ്​.പി, തൃണമൂൽ കോൺഗ്രസ്​ എന്നിവയിലെ രണ്ടുപേർ വീതവും മറ്റു കേസുകളിൽ പ്രതികളാണ്​. രാജ്യസഭയിലെ 229 അംഗങ്ങൾ നൽകിയ സത്യവാങ്​മൂലം സന്നദ്ധ സംഘടനയായ എ.ഡി.ആർ ആണ്​ വിശകലനം ചെയ്​തത്​. 

Show Full Article
TAGS:MP Rajya Sabha criminal background india parliament 
Web Title - Criminal Background of Rajya Sabha MPs
Next Story