Begin typing your search above and press return to search.
exit_to_app
exit_to_app
Suicide
cancel
Homechevron_rightNewschevron_rightIndiachevron_right'ഞങ്ങളെ ഒന്നിച്ച്​...

'ഞങ്ങളെ ഒന്നിച്ച്​ അടക്കണം'; കുറിപ്പെഴുതിവെച്ച്​ ദമ്പതികൾ ആത്മഹത്യ ചെയ്​തു

text_fields
bookmark_border

കൊൽക്കത്ത: സാമ്പത്തിക ബാധ്യതയെ തുടർന്ന്​ ആത്മഹത്യ ചെയ്​ത്​ ദമ്പതികൾ. കൊൽക്കത്ത നായ​പ്പട്ടിയിലെ ഫ്ലാറ്റിലാണ്​ ദമ്പതികളുടെ ആത്മഹത്യ. 40കാരിയായ ശ്രുതിദ ഗുഹ ബിശ്വാസ്​, 45കാരൻ ദേബാശിഷ്​ ദാസ്​ഗുപ്​ത എന്നിവരാണ്​ മരിച്ചത്.

ശ്രുതിദയെ കട്ടിലിൽ മരിച്ച നിലയിലും ദേബാശിഷ്​​ സീലിങ്​ ഫാനിൽ തൂങ്ങിമരിച്ച നിലയിലുമായിരുന്നു. ഇവരുടെ മൃതദേഹത്തിന്​ സമീപത്തുനിന്ന്​ ഒരു ആത്മഹത്യക്കുറിപ്പും കണ്ടെടുത്തു.

സാമ്പത്തിക ബാധ്യതകളെ തുടർന്നാണ്​ മരിക്കുന്നതെന്നും തങ്ങളുടെ മൃതദേഹങ്ങൾ ഒരുമിച്ച്​ അടക്കണമെന്നും അവർ ആത്മഹത്യക്കുറിപ്പിൽ പറയുന്നു.

സ്​ത്രീയുടെ കഴുത്ത്​ ഞെരിച്ചതി​െൻറ പാടുകളുള്ളതായി പൊലീസ്​ പറഞ്ഞു. ശ്രുതിദയെ കൊലപ്പെടുത്തിയ ശേഷം ദേബാശിഷ്​ ​ആത്മഹത്യ​െചയ്യുകയായിരുന്നുവെന്ന്​ പൊലീസ്​ പറഞ്ഞു.

ഒന്നരമാസം മുമ്പാണ്​ ദമ്പതികൾ കൊൽക്കത്തയിൽ താമസത്തിനെത്തിയത്​. ഇരുവരുടെയും കുടുംബവുമായി തർക്കമുണ്ടായിരുന്നുവെന്നും തുടർന്ന്​ ചെന്നൈയിൽനിന്ന്​ ഇരുവരും കൊൽക്കത്തയിലേക്ക്​ വരികയായിരുന്നുവെന്നും ഫ്ലാറ്റി​െൻറ ഉടമ പറഞ്ഞു. ​ബുധനാഴ്​ച ഫ്ലാറ്റ്​ ഒഴിച്ച്​ ചെന്നൈയിലേക്ക്​ മടങ്ങാൻ ഇരിക്കുകയായിരുന്നു ഇരുവരും.

ബുധനാഴ്​ച ഉടമസ്​ഥൻ ഫ്ലാറ്റി​െൻറ താക്കോൽ വാങ്ങാൻ എത്തിയപ്പോൾ വീട്​ അടച്ചിട്ട നിലയിലായിരുന്നു. നിരവധി തവണ ബെൽ അടിച്ചിട്ടും തുറന്നില്ല. എന്നാൽ വീട്ടിനുള്ളിൽ എ.സി പ്രവർത്തിപ്പിച്ചിരുന്നതായും ടെലിവിഷൻ ഓണാക്കിയിരുന്നതായും ഇയാൾ ശ്രദ്ധിച്ചു. ഇതോടെ ​െപാലീസിനെ വിവരം അറിയിക്കുകയായിരുന്നു.

തുടർന്ന്​ ഡ്യൂപ്ലിക്കേറ്റ്​ താക്കോൽ ഉപയോഗിച്ച്​ പൊലീസ്​ അകത്തു കടന്നപ്പോൾ ഇരുവരെയും മരിച്ചനിലയിൽ കണ്ടെത്തുകയായിരുന്നു. ഇരുവരുടെയും മൃതദേഹങ്ങൾ പോസ്​റ്റ്​മോർട്ടത്തിന്​ അയച്ചു. ഫോറൻസിക്​ സംഘം വീട്ടിൽ പരിശോധന നടത്തുകയും ചെയ്​തു.

Show Full Article
TAGS:Suicide Kolkata 
News Summary - Cremate our bodies together suicide note of couple found dead in Kolkata
Next Story