സി.പി.എം സോണിയക്ക്​ ജയ്​ വിളിക്കുന്ന കാലം വിദൂരമല്ല- ആൻറണി

ന്യൂഡല്‍ഹി: സി.പി.എം സോണിയ ഗാന്ധിക്ക് ജയ് വിളിക്കുന്ന കാലം വിദൂരമല്ലെന്ന് മുതിർന്ന കോൺഗ്രസ്​ നേതാവ്​ എ.കെ ആൻറണി. തിരിച്ചടികള്‍ സ്വാഭാവികമാണ്. കോണ്‍ഗ്രസ് തിരിച്ചുവരും. രാഷ്ട്രപതി തെരഞ്ഞെടുപ്പില്‍ ബി.ജെ.പിക്ക്​ എതിരായ ഐക്യനിരയാണ് ഉയരാന്‍ പോകുന്നതെന്നും ആൻറണി പറഞ്ഞു.

നേതാക്കള്‍ മാത്രം പോരാ പ്രവര്‍ത്തകരും അണികളും വേണം. പ്രസംഗം നടത്തിയതുകൊണ്ട് മാത്രം കാര്യമില്ല. കോണ്‍ഗ്രസ് ജനകീയസമരങ്ങള്‍ ഏറ്റെടുത്ത് വിജയിപ്പിക്കണം. ചമ്പാരന്‍ സമരം ഇക്കാലത്തും മാതൃകയാണെന്നും ആൻറണി വ്യക്തമാക്കി.