Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമുത്തലാഖിനെതിരെ...

മുത്തലാഖിനെതിരെ സിപിഎം; ഹിന്ദു വ്യക്​തിനിയമങ്ങളും പരിഷ്​കരിക്കണം

text_fields
bookmark_border
മുത്തലാഖിനെതിരെ സിപിഎം; ഹിന്ദു വ്യക്​തിനിയമങ്ങളും പരിഷ്​കരിക്കണം
cancel

ന്യൂഡൽഹി: ഏകപക്ഷീയവും കാലതാമസവുമില്ലാതെ നടത്തുന്ന മുത്തലാഖ്​ റദ്ദാക്കണമെന്ന  മുസ്​ലിം സ്​ത്രീകളുടെ ആവശ്യത്തെ പിന്തുണച്ച്​ സി.പി.എം.  ഏകപക്ഷീയമായ മുത്തലാഖ്​ ഇസ്​ലാമിക രാജ്യങ്ങളില്‍ പോലും അനുവദനീയമല്ല. മുത്തലാഖ്​ റദ്ദാക്കണമെന്ന ആവശ്യം അംഗീകരിക്കുന്നത് ഇരയായ സ്ത്രീകള്‍ക്ക്  ആശ്വാസം നൽകും. അതേസമയം, ഭൂരിപക്ഷ സമുദായങ്ങളുടേത്​ ഉൾപ്പെടെ മുഴുവൻ വ്യക്തിനിയമങ്ങളിലും പരിഷ്കരണം ആവശ്യമാണണെന്നും സി.പി.എം പൊളിറ്റ്​ ബ്യൂറോ വാര്‍ത്താക്കുറിപ്പില്‍ അറിയിച്ചു.

ഏകീകൃതസിവില്‍കോഡ് അടിച്ചേല്‍പ്പിക്കുന്നത്​ ഗുണത്തേക്കാളേറെ ദോഷം ചെയ്യും. ഏകീകൃത ​​ സ്വഭാവം സമത്വമുണ്ടാക്കുമെന്ന്​  ഉറപ്പവരുത്തുന്നില്ലെന്നും പൊളിറ്റ് ബ്യൂറോ വിലയിരുത്തി. ഏകീകൃത സിവില്‍കോഡും മുത്തലാഖും  രാജ്യമെങ്ങും ചര്‍ച്ചയായ പശ്ചാത്തലത്തിലാണ് സി.പി.എം നിലപാട് വ്യക്തമാക്കിയത്​. ഹിന്ദു സ്ത്രീകളുടെ വ്യക്തിനിയമം പരിഷ്‌കരിച്ചിട്ടുണ്ടെന്ന കേന്ദ്രസര്‍ക്കാര്‍ വക്താവി​െൻറ വാദം തെറ്റാണ്. സ്ത്രീസമത്വം കൊണ്ടുവരിക എന്നതല്ല സര്‍ക്കാറി​െൻറ  നീക്കമെന്ന്​ വ്യക്തമാക്കുന്നതാണ്​ ഹിന്ദു സ്ത്രീകളുടെ വ്യക്തിനിയമത്തിലെ ഇരട്ടത്താപ്പ്​.

മുത്തലാഖിനെ എതിർക്കുന്ന കേന്ദ്രസര്‍ക്കാര്‍ ന്യൂനപക്ഷങ്ങളെ പ്രത്യേകിച്ച് മുസ്​ലിം സമുദായത്തെ മാത്രമാണ് ലക്ഷ്യം വെക്കുന്നത്. ഹിന്ദു സ്ത്രീകളും വ്യക്തിനിയമത്തി​െൻറ ദുരുതമനുഭവിക്കുന്നുണ്ട്. നിലവില്‍ ദത്തെടുക്കല്‍, സ്വത്തവകാശം, ഇഷ്ടമുള്ള പങ്കാളിയെ തെരഞ്ഞെടുക്കാനുള്ള അവകാശം എന്നിവയെല്ലാം ഹിന്ദു സ്ത്രീകള്‍ക്ക് വിവേചനം നേരിടുന്നുണ്ട്. ഇതവസാനിപ്പിക്കാന്‍ സമഗ്രപരിഷ്കാരം വേണമെന്നും പി.ബി ആവശ്യപ്പെട്ടു.

Show Full Article
TAGS:triple talaq cpm politburo uniform civil code 
Next Story