Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബിഹാറില്‍ സി.പി.എം...

ബിഹാറില്‍ സി.പി.എം നേതാവിനെ വെടിവെച്ചുകൊന്നു

text_fields
bookmark_border
ബിഹാറില്‍ സി.പി.എം നേതാവിനെ വെടിവെച്ചുകൊന്നു
cancel

പാറ്റ്​ന: കര്‍ഷക നേതാവും സി.പി.എം നേതാവുമായ ജഗ്ദിഷ് ചന്ദ്ര ബസുവിനെ ബിഹാറില്‍ വെടിവെച്ചുകൊന്നു. ഖഗാരിയ ജില്ലയിലെ അദ്ദേഹത്തി​ന്റെ ഗ്രാമത്തിലാണ്​ സംഭവം. ബൈക്കിലെത്തിയ അക്രമികൾ വെടിവെക്കുകയായിരുന്നു.

സി.പി.എം ഖഗാരിയ ജില്ല സെക്രട്ടറിയേറ്റ്​ അംഗവും ആൾ ഇന്ത്യ കിസാൻ സഭ ജില്ലാ സെക്രട്ടറിയുമാണ്​ ജഗ്​ദിഷ്​. നേരത്തെ പഞ്ചായത്ത്, ജില്ലാ പഞ്ചായത്ത് തെരഞ്ഞെടുപ്പുകളിൽ​ ജയിച്ചിട്ടുള്ള നേതാവാണ്. 2014ലെ ലോക്സഭ തെരഞ്ഞെടുപ്പില്‍ ഖഗാരിയ മണ്ഡലത്തില്‍ സി.പി.എം സ്ഥാനാര്‍ഥിയായി കാൽ ലക്ഷത്തോളം വോട്ട്​ നേടിയിരുന്നു.

ഇദ്ദേഹത്തിന് നേരത്തെ വധഭീഷണികളുണ്ടായിരുന്നു. ചില കൊലപാതകങ്ങളുമായി ബന്ധപ്പെട്ടവർക്കെതിരെ അദ്ദേഹം നടത്തിയ പോരാട്ടത്തെ തുടർന്നും വധഭീഷണി ഉണ്ടായിരുന്നു. ഭൂപ്രഭുക്കൻമാർക്കെതിരെ നിലപാടെടുക്കുന്നതിനാൽ ഭൂമാഫിയ അദ്ദേഹത്തെ നോട്ടമിട്ടിരുന്നു എന്ന്​ കിസാൻ സഭ പുറത്തിറക്കിയ പ്രസ്​താവനയിൽ പറയുന്നു.

ജഗ്​ദിഷി​ന്റെ കുടുംബത്തിന്​ ഒരു കോടി രൂപ നഷ്​ടപരിഹാരവും ആശ്രിതർക്ക്​ ജോലിയും സർക്കാർ നൽകണമെന്ന്​ കിസാൻ സഭ ആവശ്യപ്പെട്ടു.

കഴിഞ്ഞ രണ്ട് മാസത്തിനുള്ളില്‍ ബിഹാറില്‍ കൊല്ലപ്പെടുന്ന രണ്ടാമത്തെ സി.പി.എം നേതാവാണ് ജഗദീഷ് ചന്ദ്ര ബസു. ഫെബ്രുവരി 18ന് സി.പി.എം ബെഗുസരായി ജില്ലാക്കമ്മിറ്റിയംഗം രാജീവ് ചൗധരി കൊല്ലപ്പെട്ടിരുന്നു.

Show Full Article
TAGS:bihar cpim Vandalism india news malayalam news 
News Summary - cpm leader shot dead by criminals
Next Story