കോൺഗ്രസ്​ സഹകരണം അടവുനയത്തി​െൻറ ലംഘനമെന്ന്​ സി.പി.എം

ഹൈദരാബാദ്​:  ബംഗാൾ ഘടകത്തി​​​​െൻറ കോൺഗ്രസ്​ സഹകരണം അടവുനയത്തി​​​​െൻറ ലംഘനമാണെന്ന്​ സി.പി.എം പാർട്ടി കോൺഗ്രസ്​ സംഘടന റിപ്പോർട്ടിൽ വിമർശനം. പാർട്ടി തീരുമാനങ്ങൾ ചോരുന്നതിൽ റിപ്പോർട്ട്​ അതൃപ്​തി പ്രകടിപ്പിച്ചു. പി.ബിയിലെയും കേന്ദ്ര ആസ്ഥാനത്തെയും ചർച്ചകൾ മാധ്യമങ്ങൾക്ക് ചോരുന്നു. ഇതിന് ഏകീകൃത സംവിധാനമുണ്ട്. വാർത്ത ചോർച്ച അന്വേക്ഷിച്ചപ്പോൾ ഇത് വ്യക്തമായതായും  സംഘടന റിപ്പോർട്ടിൽ ചൂണ്ടിക്കാട്ടുന്നു​.

നേതൃതലത്തിൽ ഉള്ളവർഇക്കാര്യം പരിശോധിക്കണം. ഗുരുതരമായ അച്ചടക്കലംഘനം അവസാനിപ്പിക്കാനുള്ള ഉത്തരവാദിത്തം നേതൃത്വംഏറ്റെടുക്കണം. മറ്റ് പ്രവർത്തകർക്ക് മാതൃക ആകാൻ ദേശിയ നേതൃത്വത്തിനാകണം. പി.ബി അംഗങ്ങളും കേന്ദ്രനേതാക്കളും വിടുവായത്തം നിർത്തണമെന്നും റിപ്പോർട്ട്​ പറയുന്നു.

 സംസ്ഥാന ഘടകങ്ങൾക്ക് റിപ്പോർട്ടിൽ രൂക്ഷ വിമർശനമുണ്ട്​. കൊൽക്കത്ത പ്ലീന തീരുമാനം നടപ്പിലാക്കുന്നതിൽ വീഴ്ചയുണ്ടായെന്നാണ്​ വിമർശനം. പി.ബി അംഗങ്ങളുടെ പ്രവർത്തനം ഓരോ വർഷവും വിലയിരുത്തണം. കരട് രാഷ്ട്രീയ രേഖയിൽ തർക്കമുണ്ടായത് പി.ബി അംഗങ്ങൾക്കിടയിൽ വിശ്വാസ നഷ്ടമുണ്ടാക്കിയെന്നും റിപ്പോർട്ട്​ വ്യക്​തമാക്കുന്നു.