ബംഗാളിൽ സി.പി.എമ്മുമായി ധാരണക്ക്​ തയാറെന്ന്​ കോൺഗ്രസ്​

ന്യൂഡൽഹി: പശ്​ചിമബംഗാളിൽ സി.പി.എമ്മുമായി തെരഞ്ഞെടുപ്പ്​ ധാരണക്ക് തയാറെന്ന്​​ കോൺഗ്രസ്​. സഖ്യസാധ്യത നില നിൽ ക്കുന്നുവെന്ന്​ പശ്​ചിമബംഗാൾ പി.സി.സി അധ്യക്ഷൻ സോമേന്ദ്രനാഥ്​ മിത്ര പറഞ്ഞു. എന്നാൽ, തൃണമൂലുമായി സഖ്യത്തിനില ്ലെന്നും അദ്ദേഹം വ്യക്​തമാക്കി. രാഹുൽ ഗാന്ധി വിളിച്ചു ചേർത്ത പി.സി.സി അധ്യക്ഷൻമാരുടെ യോഗത്തിന്​ ശേഷമായിരുന്നു ​ മിത്രയുടെ പ്രതികരണം.

ഫെബ്രുവരി 25ന്​ അകം എല്ലാ സംസ്ഥാനങ്ങളും കോൺഗ്രസ്​ സ്ഥാനാർഥികളുടെ പട്ടിക നൽകണമെന്ന്​ രാഹുൽ നിർദേശിച്ചു. സിറ്റിങ്​ എം.എൽ.എമാർ തെരഞ്ഞെടുപ്പിൽ മൽസരിക്കേണ്ട​. റഫാൽ അഴിമതി മുഖ്യതെരഞ്ഞെടുപ്പ്​ വിഷയമാക്കണം. കാവൽക്കാരൻ കള്ളനാണെന്ന്​ ജനങ്ങളെ ബോധ്യപ്പെടുത്തണം. ഒരേ കുടുംബത്തിൽ നിന്ന്​ ഒന്നിലധകം സ്ഥാനാഥികളെ വേണ്ട. പ്രാദേശിക വിഷയങ്ങളേക്കാൾ മോദിയുടെ പരാജയത്തിന്​ പ്രാധാന്യം നൽകണമെന്നും രാഹുൽ പറഞ്ഞു.