'മമത ബാനർജിക്ക്​ പേടി'; തങ്ങളുടെ സ്ഥാനാർഥിയെ പ്രചാരണത്തിൽ നിന്നും പൊലീസ്​ തടഞ്ഞെന്ന്​ സി.പി.എം

കൊൽക്കത്ത: ഭവാനിപൂർ ഉപതെരഞ്ഞെടുപ്പിൽ പശ്ചിമ ബംഗാൾ മുഖ്യമ​ന്ത്രി മമത ബാനർജിക്കെതിരെ മത്സരിക്കുന്ന സി.പി.എം സ്ഥാനാർഥി ശ്രീജിബ്​ ബിശ്വാസിനെ പൊലീസ്​ തടഞ്ഞതായി ആരോപണം. ഇതിനെച്ചൊല്ലി മമത ബാനർജിയുടെ വീടിന്​ മുന്നിലുള്ള റോഡിൽ ഞായറാഴ്ച സി.പി.എം പ്രവർത്തകരും പൊലീസും തമ്മിൽ സംഘർഷമുണ്ടായി.

തങ്ങൾക്ക്​ തെരഞ്ഞെടുപ്പിന്​ പ്രചാരണം നടത്താൻ അവകാശമുണ്ടെന്നും എന്നാൽ ത​ങ്ങളെ പൊലീസ്​ അകാരണമായി തടയുകയായിരുന്നെന്നും മുതിർന്ന സി.പി.എം നേതാവ്​ സുജൻ ചക്രബർത്തി പറഞ്ഞു. മമത ബാനർജിക്ക്​ പേടിയാണെന്നും അതുകൊണ്ടാണ്​ ആരെയും ഹാരിഷ്​ ചാറ്റർജി തെരുവിലേക്ക്​ പ്രവേശിപ്പിക്കാത്തതെന്നും ചക്രബർത്തി ആരോപിച്ചു.

സ്ഥാനാർഥിക്കും കൂടെയുള്ളവർക്കും പ്രചാരണത്തിനാവശ്യമായ അനുമതി ഉണ്ടായിരുന്നെന്നും എന്നാൽ നാലുപേരെ മാത്രമേ കടത്തിവിടൂ​െവന്ന്​ പൊലീസ്​ പറയുകയായിരുന്നെന്നും സി.പി.എം നേതാക്കൾ പറഞ്ഞു. കഴിഞ്ഞ ആഴ്ച ബി.ജെ.പി ​സ്ഥാനാർഥി പ്രിയങ്ക തിബ്രേവാളും ബി.ജെ.പി സംസ്ഥാന പ്രസിഡന്‍റ്​ സുകന്ദ മജുംദറും അടക്കമുള്ളവരും പൊലീസും തമ്മിൽ ഇതേ സ്ഥലത്ത്​ വെച്ച്​ വാക്കേറ്റമുണ്ടായിരുന്നു.

സെപ്​റ്റംബർ 30നാണ്​ ഉപതെരഞ്ഞെടുപ്പ്​. ഒക്​ടോബർ മൂന്നിന്​ ഫലം പ്രഖ്യാപിക്കും. ഏപ്രിൽ-മെയ്​ മാസങ്ങളിലായി നടന്ന തെരഞ്ഞെടുപ്പിൽ മമത ബാനർജി നന്ദിഗ്രാമിൽ ബി.ജെ.പി നേതാവ്​ സുവേന്ദു അധികാരിയോട്​ പരാജയപ്പെട്ടിരുന്നു. എന്നാൽ, മുഖ്യമന്ത്രിയായി മമത സത്യപ്രതിജ്ഞ ​െ​ചയ്​തു. നിയമസഭയിൽ അംഗമല്ലാത്ത ഒരാൾ മന്ത്രിസ്​ഥാനത്തെത്തു​േമ്പാൾ ആറുമാസത്തിനകം തെരഞ്ഞെടുപ്പിനെ നേരിടണമെന്നാണ്​ ചട്ടം. ഇതോടെ മമതക്കായി ഭവാനിപൂരിലെ തൃണമൂൽ എം.എൽ.എ രാജിവെക്കുകയായിരുന്നു.