കോൺഗ്രസ് മിണ്ടുന്നില്ല; തെ​ല​ങ്കാ​ന​യി​ൽ സി.പി.എം 17 സീറ്റുകളിൽ ഒറ്റയാൾ ​പോരാട്ടത്തിന്

ഹൈ​ദ​രാ​ബാ​ദ്: കോ​ൺ​ഗ്ര​സു​മാ​യു​ള്ള സ​ഖ്യ ച​ർ​ച്ച​യി​ൽ തീ​രു​മാ​ന​മാ​കാ​തി​രു​ന്ന​തോ​ടെ തെ​ല​ങ്കാ​ന​യി​ൽ 17 സീ​റ്റു​ക​ളി​ൽ സ്ഥാ​നാ​ർ​ഥി​ക​ളു​ടെ ആ​ദ്യ പ​ട്ടി​ക പ്ര​ഖ്യാ​പി​ച്ച് സി.​പി​എം. സീ​റ്റ് ച​ർ​ച്ച​യി​ൽ കോ​ൺ​ഗ്ര​സി​ന്റെ പ്ര​തി​ക​ര​ണ​ത്തി​നാ​യി കാ​ത്തി​രു​ന്നെ​ങ്കി​ലും ഫ​ല​മു​ണ്ടാ​യി​ല്ലെ​ന്ന് സി.​പി.​എം സം​സ്ഥാ​ന സെ​ക്ര​ട്ട​റി ടി. ​വീ​ര​ഭ​ദ്രം വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

മ​റ്റ് വ​ഴി​ക​ളി​ല്ലാ​ത്ത​തി​നാ​ൽ ഒ​റ്റ​ക്ക് മ​ത്സ​രി​ക്കാ​ൻ ബു​ധ​നാ​ഴ്ച ചേ​ർ​ന്ന സം​സ്ഥാ​ന ക​മ്മി​റ്റി യോ​ഗം തീ​രു​മാ​നി​ച്ച​താ​യി അ​​ദ്ദേ​ഹം വ്യക്തമാക്കി. 24 സീ​റ്റു​ക​ളി​ൽ മ​ത്സ​രി​ക്കാ​നാ​യി​രു​ന്നു നി​ർ​ദേ​ശ​ങ്ങ​ളു​യ​ർ​ന്ന​ത്. ആ​ദ്യ പ​ട്ടി​ക​യി​ൽ 17 സ്ഥാ​നാ​ർ​ഥി​ക​ളു​ടെ പ​ട്ടി​ക​ക്ക് അ​നു​മ​തി ന​ൽ​കി. 20 സീ​റ്റു​ക​ളി​ൽ വ​രെ മ​ത്സ​രി​ച്ചേ​ക്കാ​മെ​ന്നും പ്ര​ഖ്യാ​പി​ച്ച പ​ട്ടി​ക​യി​ൽ ഒ​ന്നോ ര​ണ്ടോ മാ​റ്റ​മു​ണ്ടാ​​യേ​ക്കാ​മെ​ന്നും വീ​ര​ഭ​ദ്രം പ​റ​ഞ്ഞു. കോ​ൺ​ഗ്ര​സു​മാ​യി സി.​പി.​ഐ ധാ​ര​ണ​യി​ലെ​ത്തി​യി​ല്ലെ​ങ്കി​ലാ​കും പ​ട്ടി​ക​യി​ൽ മാ​റ്റ​മു​ണ്ടാ​വു​ക.

ബി.​ജെ.​പി സ്ഥാ​നാ​ർ​ഥി​ക​ളെ പ​രാ​ജ​യ​പ്പെ​ടു​ത്തു​ക എ​ന്ന​താ​ണ് പ്ര​ധാ​ന മു​ദ്രാ​വാ​ക്യ​മെ​ന്ന് അ​ദ്ദേ​ഹം പ​റ​ഞ്ഞു. പാ​ർ​ട്ടി മ​ത്സ​രി​ക്കാ​ത്ത സീ​റ്റു​ക​ളി​ൽ, ബി.​ജെ.​പി​ക്ക് വി​ജ​യ​സാ​ധ്യ​ത​യു​ള്ളി​ട​ത്ത് പ്ര​ധാ​ന എ​തി​രാ​ളി​യാ​യ കോ​ൺ​ഗ്ര​സി​നോ ബി.​ആ​ർ.​എ​സി​നോ വോ​ട്ട് ചെ​യ്യാ​ൻ ജ​ന​ങ്ങ​ളോ​ട് ആ​വ​ശ്യ​പ്പെ​ടു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

വൈ​ര, മി​​രി​യാ​ല​ഗു​ഡ സീ​റ്റു​ക​ളാ​യി​രു​ന്നു സി.​പി.​എം ഒ​ടു​വി​ൽ ആ​വ​ശ്യ​പ്പെ​ട്ട​ത്. ഒ​രു സീ​റ്റി​ൽ പോ​ലും കോ​ൺ​ഗ്ര​സ് പി​ന്തു​ണ​യി​ൽ മ​ത്സ​രി​ക്കാ​ൻ ത​യാ​റാ​യി​രു​ന്നു. ചെ​ന്നൂ​ർ, കോ​ത​ഗു​ഡം സീ​റ്റു​ക​ൾ സി.​പി.​ഐ​യും മ​ത്സ​രി​ക്കാ​നാ​യി​രു​ന്നു തീ​രു​മാ​നി​ച്ച​ത്. എ​ന്നാ​ൽ, കോ​ൺ​ഗ്ര​സ് വ്യ​ക്ത​മാ​യ മ​റു​പ​ടി ന​ൽ​കാ​ത്ത​താ​ണ് ഇ​ട​ത് പാ​ർ​ട്ടി​ക​ളെ ചൊ​ടി​പ്പി​ച്ച​ത്. പാ​ർ​ട്ടി​ക്ക് വേ​രോ​ട്ട​മു​ള്ള ഖ​മ്മം ജി​ല്ല​യി​ൽ കൂ​ടു​ത​ൽ സീ​റ്റു​ക​ൾ സി.​പി.​എം ആ​ഗ്ര​ഹി​ച്ചി​രു​ന്നു. ഒ​രു സീ​റ്റി​ലേ​ക്ക് ഒ​തു​ങ്ങാ​ൻ തീ​രു​മാ​നി​ച്ചി​ട്ടും കോ​ൺ​ഗ്ര​സ് നി​ഷേ​ധാ​ത്മ​ക നി​ല​പാ​ട് തു​ട​രു​ക​യാ​യി​രു​ന്നു. വ്യാ​ഴാ​ഴ്ച മൂ​ന്ന് വ​രെ സീ​റ്റ് ച​ർ​ച്ച​യി​ലെ തീ​രു​മാ​ന​ത്തി​ന് കോ​ൺ​ഗ്ര​സി​ന് അ​ന്ത്യ​ശാ​സ​നം ന​ൽ​കി​യി​ട്ടും മ​റു​പ​ടി​യു​ണ്ടാ​യി​ല്ല.

ഇ​ട​ത് പാ​ർ​ട്ടി​ക​ൾ​ക്ക് സീ​റ്റ് ന​ൽ​കു​ന്ന​തി​ൽ കോ​ൺ​ഗ്ര​സി​ൽ ക​ടു​ത്ത എ​തി​ർ​പ്പു​ണ്ട്. അ​ടു​ത്ത​കാ​ലം വ​രെ ബി.​ആ​ർ.​എ​സു​മാ​യി ചേ​ർ​ന്ന് പ്ര​വ​ർ​ത്തി​ച്ച പാ​ർ​ട്ടി​യു​മാ​യി സീ​റ്റ് ധാ​ര​ണ വേ​ണ്ടെ​ന്നാ​ണ് ​ചി​ല നേ​താ​ക്ക​ളു​ടെ നി​ല​പാ​ട്. ക​ഴി​ഞ്ഞ ജ​നു​വ​രി​യി​ൽ മു​ഖ്യ​മ​ന്ത്രി കെ. ​ച​ന്ദ്ര​ശേ​ഖ​ര റാ​വു​വും ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കെ​ജ്രി​വാ​ളു​​മ​ട​ക്ക​മു​ള്ള നേ​താ​ക്ക​ളു​മാ​യി ചേ​ർ​ന്ന് സി.​പി.​എം മൂ​ന്നാം മു​ന്ന​ണി​യു​ടെ തു​ട​ക്ക​മെ​ന്ന നി​ല​യി​ൽ ഖ​മ്മ​ത്ത് വ​ൻ റാ​ലി ന​ട​ത്തി​യി​രു​ന്നു. കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​നും റാ​ലി​യി​ലു​ണ്ടാ​യി​രു​ന്നു. ക​ഴി​ഞ്ഞ വ​ർ​ഷം മു​നു​ഗോ​ഡ് ഉ​പ​തെ​ര​ഞ്ഞെ​ടു​പ്പി​ലും ബി.​ആ​ർ.​എ​സി​നെ​യാ​ണ് ഇ​ട​ത് പാ​ർ​ട്ടി​ക​ൾ പി​ന്തു​ണ​ച്ച​ത്. ഇ​ത്ത​രം നീ​ക്ക​ങ്ങ​ൾ സം​സ്ഥാ​ന​ത്തെ കോ​ൺ​ഗ്ര​സി​ൽ എ​തി​ർ​പ്പി​ന് കാ​ര​ണ​മാ​യി​രു​ന്നു.

നി​ല​വി​ൽ തെ​ല​ങ്കാ​ന നി​യ​മ​സ​ഭ​യി​ൽ സി.​പി.​ഐ​ക്കും സി.​പി.​എ​മ്മി​നും അം​ഗ​ങ്ങ​ളി​ല്ല. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ 0.44 ശ​ത​മാ​നം വോ​ട്ട് മാ​​ത്ര​മാ​ണ് സി.​പി.​എ​മ്മി​ന് കി​ട്ടി​യ​ത്. സി.​പി.​ഐ​ക്ക് 0.40 ശ​ത​മാ​ന​വും. ഖ​മ്മ​ത്തി​ന് പു​റ​മേ, ന​ൽ​ഗോ​ണ്ഡ, ഭ​ദ്രാ​ദ്രി, കോ​ത​ഗു​ഡം ജി​ല്ല​ക​ളി​ലാ​ണ് ഇ​ട​ത് സാ​ന്നി​ധ്യ​മു​ള്ള​ത്. 2014ൽ ​ഒ​ന്നാം നി​യ​മ​സ​ഭ​യി​ൽ ഇ​രു​പാ​ർ​ട്ടി​ക​ൾ​ക്കും ഓ​രോ സീ​റ്റു​ണ്ടാ​യി​രു​ന്നു. സെ​പ്റ്റം​ബ​റി​ൽ ബി.​ആ​ർ.​എ​സ് 117 സീ​റ്റു​ക​ളി​ലേ​ക്ക് സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ച​തോ​ടെ​യാ​ണ് കോ​ൺ​ഗ്ര​സ് സ​ഖ്യ​സാ​ധ്യ​ത​ക്ക് ഇ​ട​ത് പാ​ർ​ട്ടി​ക​ൾ ശ്ര​മി​ച്ച​ത്.

കിഷൻ റെഡ്ഡി മത്സരിച്ചേക്കില്ല; അസ്ഹറുദീന് എതിരാളി ലങ്കാല ദീപക് റെഡ്ഡി

ഹൈ​ദ​രാ​ബാ​ദ്: തെ​ല​ങ്കാ​ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ 35 സ്ഥാ​നാ​ർ​ഥി​ക​ളു​ടെ പ​ട്ടി​ക കൂ​ടി പു​റ​ത്തു​വി​ട്ട് ബി.​ജെ.​പി. സം​സ്ഥാ​ന അ​ധ്യ​ക്ഷ​ൻ ജി. ​കി​ഷ​ൻ റെ​ഡ്ഡി​ക്ക് സീ​റ്റ് ന​ൽ​കി​​ല്ലെ​ന്നാ​ണ് സൂ​ച​ന. ജൂ​ബി​ലി ഹി​ൽ​സ് മ​ണ്ഡ​ല​ത്തി​ൽ കോ​ൺ​ഗ്ര​സ് സ്ഥാ​നാ​ർ​ഥി​യും മു​ൻ ഇ​ന്ത്യ​ൻ ക്രി​ക്ക​റ്റ് ടീം ​ക്യാ​പ്റ്റ​നു​മാ​യ മു​ഹ​മ്മ​ദ് അ​സ്ഹ​റു​ദീ​നെ​തി​രെ ല​ങ്കാ​ല ദീ​പ​ക് റെ​ഡ്ഡി മ​ത്സ​രി​ക്കും. 119 സീ​റ്റു​ക​ളു​ള്ള സം​സ്ഥാ​ന നി​യ​മ​സ​ഭ​യി​ലേ​ക്ക് 88 പേ​രു​ക​ളാ​ണ് പു​തി​യ പ​ട്ടി​ക​യി​ലൂ​ടെ ബി.​ജെ.​പി പു​റ​ത്തു​വി​ട്ട​ത്.

കി​ഷ​ൻ റെ​ഡ്ഡി 2018ലെ ​തെ​ര​ഞ്ഞെ​ടു​പ്പി​ൽ ആം​ബ​ർ​പേ​ട്ടി​ൽ ബി.​ആ​ർ.​എ​സി​ന്റെ കെ. ​വെ​ങ്കി​ടേ​ഷി​നോ​ട് തോ​റ്റി​രു​ന്നു. പ​വ​ൻ ക​ല്യാ​ണി​ന്റെ ജ​ന​സേ​ന പാ​ർ​ട്ടി​യു​മാ​യി ച​ർ​ച്ച തു​ട​രു​ന്ന​തി​നാ​ൽ ചി​ല സീ​റ്റു​ക​ൾ ബി.​ജെ.​പി ഒ​ഴി​ച്ചി​ട്ടു. ആ​ന്ധ്രാ​പ്ര​ദേ​ശു​മാ​യി അ​തി​ർ​ത്തി പ​ങ്കി​ടു​ന്ന ജി​ല്ല​ക​ളി​ൽ ജ​ന​സേ​ന​ക്ക് ആ​റ് മു​ത​ൽ ഏ​ഴ് വ​രെ സീ​റ്റു​ക​ൾ ന​ൽ​കി​യേ​ക്കും.