Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിഷീൽഡിന്​ 780,...

കോവിഷീൽഡിന്​ 780, കോവാക്​സിന്​ 1410, സ്​പുട്​നികിന്​ 1145 -വാക്​സിനുകൾക്ക്​ പരമാവധി വില നിശ്​ചയിച്ച്​ കേന്ദ്രം

text_fields
bookmark_border
covid vaccine
cancel
camera_alt

representative image

ന്യൂഡല്‍ഹി: സ്വകാര്യ ആശുപത്രികളില്‍ കോവിഡ്​ വാക്‌സിനുകള്‍ക്ക് ഈടാക്കാവുന്ന പരമാവധി വില നിശ്ചയിച്ച് കേന്ദ്രസര്‍ക്കാര്‍ ഉത്തരവിറക്കി. സ്വകാര്യ ആശുപത്രികള്‍ വാക്‌സിനുകൾ വില കൂട്ടി വിറ്റ്​ ലാഭമുണ്ടാക്കുന്നെന്ന ആരോപണത്തെ തുടര്‍ന്നാണ് നടപടി.

കേന്ദ്ര ഉത്തരവ് പ്രകാരം കോവിഷീല്‍ഡ് വാക്‌സിന് പരമാവധി 780 രൂപയും കോവാക്‌സിന് പരമാവധി 1410 രൂപയും റഷ്യന്‍ നിര്‍മിത വാക്‌സിനായ സ്പുട്‌നിക്-വി വാക്സിന് പരമാവധി 1145 രൂപയും ഈടാക്കാം. നികുതിയും ആശുപത്രികൾക്കുള്ള 150 രൂപ സര്‍വീസ് ചാർജും ഉള്‍പ്പെടെയാണ് ഈ നിരക്ക്.

വാക്സിനേഷന് 150 രൂപയില്‍ കൂടുതല്‍ സർവീസ് ചാർജ് ഈടാക്കാൻ സ്വകാര്യ ആശുപത്രിക​ളെ അനുവദിക്കരുതെന്ന്​ കേന്ദ്രം സംസ്​ഥാന സർക്കാറുകൾക്ക്​ നിർദേശം നൽകി. സ്വകാര്യ ആശുപത്രികളിലെ വാക്‌സിന്‍ വിതരണം സംസ്ഥാന സർക്കാരുകള്‍ നിരീക്ഷിക്കണമെന്നും അധിക നിരക്ക്​ ഈടാക്കുന്നവർക്കെതിരെ കർശന നടപടിയെടുക്കണമെന്നും കേന്ദ്രം നിര്‍ദേശം നല്‍കിയിട്ടുണ്ട്.

Show Full Article
TAGS:covid vaccine price Covishield Covaxin sputnik V 
News Summary - Covishield at 780, Covaxin at 1,410: Maximum price for private hospitals
Next Story