കോവിഡിനെ പരാജയപ്പെടുത്താൻ 130 കോടി ഇന്ത്യക്കാർ ഒന്നിച്ചു; കോൺഗ്രസ് രാഷ്ട്രീയം കളിച്ചു -അമിത് ഷാ
text_fieldsന്യൂഡൽഹി: കോവിഡ് 19 വൈറസിനെ പരാജയപ്പെടുത്താൻ 130 കോടി ഇന്ത്യക്കാർ ഒന്നിച്ചുവെന്ന് കേന്ദ്ര ആഭ്യന്തരമന്ത്രി അമിത് ഷാ. കോവിഡിനെ നേരിടാനാൻ ആഭ്യന്തര- ആഗോളതലത്തിൽ പ്രധാനമന്ത്രി നരേന്ദ്ര മോദി നടത്തുന്ന ശ്രമങ്ങൾ പ്രശംസനീ യമാണെന്നും അമിത് ഷാ ട്വിറ്ററിൽ കുറിച്ചു.
കൊറോണ വൈറസിനെതിരായ പോരാട്ടത്തിനിടെ പ്രതിപക്ഷമായ കോൺഗ്രസ് രാഷ്ട്രീയം കളിക്കുകയാണെന്നും അമിത് ഷാ ആരോപിച്ചു. ജനങ്ങളെ തെറ്റിദ്ധരിപ്പിക്കുന്നത് കോൺഗ്രസ് അവസാനിപ്പിക്കണമെന്നും ദേശീയ താൽപര്യത്തെക്കുറിച്ച് ചിന്തിക്കണമെന്നും അദ്ദേഹം ട്വീറ്റ് ചെയ്തു.
വൈറസ് വ്യാപനം തടയുന്നതിന് രാജ്യത്ത് ഏർപ്പെടുത്തിയ ലോക്ക്ഡൗൺ കർശനമായി പാലിക്കാൻ സംസ്ഥാനങ്ങളോട് നിർദേശിക്കണമെന്ന് കേന്ദ്രമന്ത്രിമാരുമായുള്ള കൂടിക്കാഴ്ചയിൽ അമിത് ഷാ ആവശ്യപ്പെട്ടിരുന്നു. കേന്ദ്രം പുറപ്പെടുവിച്ച മാർഗ നിർദേശങ്ങൾ ഉൾക്കൊണ്ട് ലോക്ക്ഡൗൺ ജില്ലാതലത്തിൽ ഫലപ്രദമായി നടപ്പാക്കേണ്ടതുണ്ടെന്നും അമിത് ഷാ അഭിപ്രായപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.