ഇന്ത്യയിൽ 26,496 പേർക്ക്​ കോവിഡ്​; മരണം 824

ന്യൂഡൽഹി: ലോക്​ഡൗണിൽ ഇളവുവരുത്താനൊരുങ്ങുന്നതിനിടെ, ഇന്ത്യയിൽ കോവിഡ്​ ബാധിതരുടെ എണ്ണം 26,496 ആയി. മരണനിരക്ക്​ 824ഉം. രാജ്യത്ത് 24 മണിക്കൂറിനിടെ 1990 പേർക്കാണ്​ രോഗം കണ്ടെത്തിയത്​. 49 പേരാണ്​ മരിച്ചത്​.

ഗുജറാത്തിലും മഹാരാഷ്​ട്രയിലുമാണ്​ ഏറ്റവും കൂടുതൽ കോവിഡ്​ മരണം. ഗുജറാത്തിലെ അഹ്​മദാബാദിലാണ്​ കൂടുതൽ പേർക്ക്​ കോവിഡുള്ളത്​. ഡൽഹി, മധ്യപ്രദേശ്​, തെലങ്കാന എന്നീ സംസ്​ഥാനങ്ങളും രോഗബാധിതരുടെ എണ്ണത്തിൽ മുന്നിലാണ്​.

ഒഡിഷയിൽ 103 പേർക്ക്​ രോഗം സ്​ഥിരീകരിച്ചതായി ആരോഗ്യമന്ത്രാലയം അറിയിച്ചു. ​ഒരു മരണം മാത്രമാണിവിടെ റിപ്പോർട്ട്​ ചെയ്​തത്​.