നിയന്ത്രണങ്ങൾ ശക്​തമാക്കിയാൽ കോവിഡി​െൻറ മൂന്നാം തരംഗം ഉണ്ടാവില്ലെന്ന്​ കേ​ന്ദ്രസർക്കാറി​െൻറ ശാസ്​ത്ര ഉപദേഷ്​ടാവ്​

ന്യൂഡൽഹി: കർശന നടപടികൾ സ്വീകരിച്ചാൽ രാജ്യത്ത്​ കോവിഡി​െൻറ മൂന്നാം തരംഗമുണ്ടാവില്ലെന്ന്​ കേന്ദ്രസർക്കാറി​െൻറ ശാസ്​ത്ര ഉപദേഷ്​ടാവ്​ കെ.വിജയരാഘവൻ. ശ്രദ്ധയോടെ മുന്നേറിയാൽ മൂന്നാം തരംഗത്തെ ഇന്ത്യക്ക്​ പ്രതിരോധിക്കാൻ കഴിയുമെന്നും അദ്ദേഹം പറഞ്ഞു.

ഇന്ത്യ ശക്​തമായ നടപടികൾ സ്വീകരിക്കുകയാണെങ്കിൽ കോവിഡി​െൻറ മൂന്നാം തരംഗം ചില പ്രദേശങ്ങളിൽ മാത്രമായി ഒതുങ്ങും. ചിലപ്പോൾ മൂന്നാം തരംഗം ഉണ്ടായില്ലെന്നും വരാം. പ്രാദേശികതലത്തിൽ സ്വീകരിക്കുന്ന നടപടികൾക്കനുസരിച്ചാവും മൂന്നാം തരംഗത്തി​െൻറ ഭാവി. ഇതിനായി നഗരങ്ങളിൽ തുടങ്ങി സംസ്ഥാനതലങ്ങളിൽ വരെ കർശന നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.

അതേസമയം, രാജ്യത്ത്​ മഹാരാഷ്​ട്ര, യു.പി, ഡൽഹി, രാജസ്ഥാൻ, ചത്തീസഗഢ്​, ഗുജറാത്ത്​, മധ്യപ്രദേശ്​, തെലങ്കാന സംസ്ഥാനങ്ങളിൽ കോവിഡ്​ പ്രതിദിന രോഗികളുടെ എണ്ണം കുറയുകയാണെന്ന്​ ആരോഗ്യമന്ത്രാലയം അഡീഷണൽ സെക്രട്ടറി ആരതി അഹുജ പറഞ്ഞു.

പഞ്ചാബ്​, ജമ്മുകശ്​മീർ, അസം, ഹിമാചൽപ്രദേശ്​, പുതുച്ചേരി, മേഘാലയ, ​ത്രിപുര​ അരുണാചൽ ​പ്രദേശ്​, നാഗാലാൻഡ്​ തുടങ്ങിയ സംസ്ഥാനങ്ങളിൽ രോഗികളുടെ എണ്ണം ഉയരുകയാണ്​. 24 സംസ്ഥാനങ്ങളിലും ടെസ്​റ്റ്​പോസിറ്റിവിറ്റി നിരക്ക്​ 15 ശതമാനത്തിന്​ മുകളിലാണ്​. ഒമ്പത്​ സംസ്ഥാനങ്ങളിൽ അഞ്ചിനും 15നും ഇടയിലാണ്​ പോസിറ്റിവിറ്റി നിരക്ക്​ മൂന്ന്​ സംസ്ഥാനങ്ങളിൽ മാത്രമാണ്​ നിലവിൽ അഞ്ച്​ ശതമാനത്തിന്​ താഴെ പോസിറ്റിവിറ്റി നിരക്കുള്ളതെന്നും അവർ പറഞ്ഞു.