Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightരണ്ടാം തരംഗം...

രണ്ടാം തരംഗം അവസാനിച്ചിട്ടില്ല; കേരളമടക്കം എട്ട്​ സംസ്​ഥാനങ്ങളിൽ കോവിഡ്​ വർധിക്കുന്നുവെന്ന്​ കേന്ദ്രം

text_fields
bookmark_border
രണ്ടാം തരംഗം അവസാനിച്ചിട്ടില്ല; കേരളമടക്കം എട്ട്​ സംസ്​ഥാനങ്ങളിൽ കോവിഡ്​ വർധിക്കുന്നുവെന്ന്​ കേന്ദ്രം
cancel

ന്യൂഡൽഹി: രാജ്യത്ത്​ കോവിഡ്​ രണ്ടാം തരംഗം ഉടനെ അവസാനിക്കില്ലെന്നും വർധിച്ച ജാഗ്രത വേണമെന്നും കേന്ദ്രത്തിന്‍റെ മുന്നറിയിപ്പ്​. കേരളം, തമിഴ്​നാട്​ തുടങ്ങിയ എട്ട്​ സംസ്​ഥാനങ്ങളിൽ കോവിഡ്​ വ്യാപനം കൂടുകയാണ്​. കേരളത്തിലെ കോവിഡ്​ വ്യാപനം മറ്റു സംസ്​ഥാനങ്ങളേക്കാൾ ഏറെ കൂടുതലാണ്​. ഈ സാഹചര്യത്തിൽ കൂടുതൽ ജാഗ്രത വേണമെന്ന മുന്നറിയിപ്പും കേന്ദ്രം നൽകി.

ഒരാളിൽ നിന്ന്​ ഒന്നിലധികം ആളുകൾക്ക്​ കോവിഡ്​ വ്യാപിക്കുന്നത്​ കേരളമടക്കമുള്ള എട്ട്​ സംസ്​ഥാനങ്ങളിലാണ്​. അതായത്​ നൂറ്​ കോവിഡ്​ രോഗികളിൽ നിന്ന്​ നൂറിലധികം ആളുകളിലേക്ക്​ പുതിയതായി കോവിഡ്​ ബാധിക്കുന്നുണ്ട്​. ഈ സാഹചര്യത്തിൽ കോവിഡ്​ വ്യാപന തോത്​ കൂടിയ അളവിലായിരിക്കും. കേരളമടക്കമുള്ള സംസ്​ഥാനങ്ങളിൽ ഈ അവസ്​ഥയാണുള്ളത്​.

അതേസമയം, നൂറ്​ കോവിഡ്​ രോഗികളിൽ നിന്ന്​ നൂറിൽ കുറവ്​ ആളുകളിലേക്ക്​ മാത്രമാണ്​ കോവിഡ്​ വ്യാപിക്കുന്നതെങ്കിൽ വ്യാപന തോത്​ കുറയുകയാണ്. കോവിഡ്​ തരംഗം അവസാനിക്കണമെങ്കിൽ ഈ പ്രവണത പ്രകടമാകണം. എന്നാൽ, കേരളം, തമിഴ്​നാട്​ അടക്കമുള്ള സംസ്​ഥാനങ്ങളിൽ വ്യാപന തോത്​ കൂടി തന്നെ നിൽക്കുന്നതിനാൽ രണ്ടാം തരംഗം അവസാനിച്ചിട്ടില്ലെന്നാണ്​ കേന്ദ്രം പറയുന്നത്​.

രാജ്യത്തെ മൊത്തം കോവിഡ്​ രോഗികളുടെ എണ്ണത്തിൽ കുറവ്​ പ്രകടമാണെങ്കിലും എട്ട്​ സംസ്​ഥാനങ്ങളിലെ പ്രവണത മറിച്ചാണ്​. അതുകൊണ്ടു തന്നെ കൂടുതൽ ജാഗ്രത ഉണ്ടെങ്കിൽ മാത്രമേ രണ്ടാം തരംഗത്തെ പിടിച്ചുകെട്ടാനാകുകയുള്ളൂവെന്നാണ്​ കേന്ദ്രത്തിന്‍റെ മുന്നറിയിപ്പ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:covid 19covid second wave
News Summary - covid second wave still not over yet
Next Story