തമിഴ്​നാട്​ കൃഷിമന്ത്രി കോവിഡ്​ ബാധിച്ച്​ മരിച്ചു

ചെന്നൈ: തമിഴ്​നാട്​ കൃഷിമന്ത്രി ആർ. ദൊരൈക്കണ്ണ്​ കോവിഡ്​ ബാധിച്ച്​ മരിച്ചു. 72 വയസായിരുന്നു. ഒക്​ടോബർ 13ന്​ കോവിഡ്​ പോസിറ്റീവായി ചികിത്സയിൽ കഴിഞ്ഞിരുന്ന ഇദ്ദേഹം ശനിയാഴ്​ച രാത്രി മരിക്കുകയായിരുന്നു.

കോവിഡ്​ സ്​ഥിരീകരിച്ചതിന്​ ശേഷം അ​ദ്ദേഹത്തി​െൻറ ആരോഗ്യനില മോശമായി തുടരുകയായിരുന്നു. ശനിയാഴ്​ച 11.15ഒാടെ മരിക്കുകയായിരുന്നുവെന്ന്​ മെഡിക്കൽ ബുള്ളറ്റിനിൽ അറിയിച്ചു. സംസ്​കാരം ജന്മനാടായ തഞ്ചാവൂർ ജില്ലയിലെ രാജഗിരിയിൽ നടക്കും.

തഞ്ചാവൂർ ജില്ലയിലെ പാപനാശം മണ്ഡലത്തെ 2006 മുതൽ മൂന്നുവട്ടം പ്രതിനിധീകരിച്ച ഇദ്ദേഹം എ.ഐ.എ.ഡി.എം​.കെയുടെ ശക്തനായ നേതാവ്​ കൂടിയായിരുന്നു. തമിഴ്​നാട്​ ഗവർണർ ബൻവാരിലാൽ പുരോഹിത്​ ദൊരൈക്കണ്ണിന്​ ആദാരാജ്ഞലികൾ ​നേർന്നു. ഗവർണർക്ക്​ ആഗസ്​റ്റിൽ കോവിഡ്​ പോസിറ്റീവായിരുന്നു. കഴിഞ്ഞദിവസം മുഖ്യമന്ത്രി എടപ്പാടി കെ. പളനിസ്വാമി ആശുപത്രിയി​ൽ അദ്ദേഹത്തെ സന്ദർശിച്ചിരുന്നു.