Top
Begin typing your search above and press return to search.
keyboard_arrow_down
Login
exit_to_app
exit_to_app
മഹാമാരി 2021 വരെ തുടരും, വരും മാസങ്ങളിൽ രാജ്യത്തെ കോവിഡ്​ ഗ്രാഫ്​ ഉയരും
cancel
Homechevron_rightNewschevron_rightIndiachevron_rightമഹാമാരി 2021 വരെ...

'മഹാമാരി 2021 വരെ തുടരും, വരും മാസങ്ങളിൽ രാജ്യത്തെ കോവിഡ്​ ഗ്രാഫ്​ ഉയരും'

text_fields
bookmark_border

ന്യൂഡൽഹി: കോവിഡ്​ മഹാമാരി 2021 വരെ തുടരുമെന്ന്​ എയിംസ്​ തലവൻ ഡോ. രൺദീപ്​ ഗ​ുലേറിയ. വരും മാസങ്ങളിൽ കോവിഡ്​ ഗ്രാഫ്​ ഇന്ത്യയിൽ ഉയർന്നുതന്നെയിരിക്കും. രാജ്യത്തി​െൻറ വിവിധ ഇടങ്ങളിൽ കോവിഡ്​ വ്യാപനത്തി​െൻറ രണ്ടാം ഘട്ടമാണെന്നും അ​ദ്ദേഹം കൂട്ടിച്ചേർത്തു. ന്യൂഡൽഹി ഒാൾ ഇന്ത്യ ഇൻസ്​റ്റിറ്റ്യൂട്ട്​ ഒാഫ്​ മെഡിക്കൽ സയൻസി​െൻറ ഡയറക്​ടറായ അദ്ദേഹം നിലവിൽ കേന്ദ്രസർക്കാരി​​െൻറ കോവിഡ്​ പ്രതിരോധ പ്രവർത്തനങ്ങൾക്കായി രൂപീകരിച്ച പ്രത്യേക ടാസ്​ക്​ഫോഴ്​സ്​ അംഗം കൂടിയാണ്​.

രാജ്യത്തെ കോവിഡ്​ കണക്ക്​ വരും മാസങ്ങളിൽ ഉയരും. അതിനുശേഷം മാത്രമേ ഗ്രാഫ്​ ​താഴേക്ക്​ വരൂ. എന്നാൽ അടുത്ത വർഷത്തോടെ മഹാമാരിയുടെ വ്യാപനം അവസാനിപ്പിക്കാൻ സാധിക്കുമെന്നും ഇന്ത്യ ടുഡെക്ക്​ നൽകിയ അഭിമുഖത്തിൽ പറയുന്നു.

രാജ്യ​ത്തെ ചെറു നഗരങ്ങളിലേക്കും ഗ്രാമങ്ങളിലേക്കും കോവിഡ്​ വ്യാപിച്ചു. അതിനാൽ തന്നെ കോവിഡ്​ ബാധിതരുടെ എണ്ണത്തിൽ വൻവർധനയുണ്ടാകും. ഇത്​ പ്രതീക്ഷിച്ചിരുന്നു. രാജ്യത്തി​െൻറ ജനസംഖ്യയുമായി താരതമ്യം ചെയ്യു​േമ്പാൾ കോവിഡ്​ ബാധിതരുടെ എണ്ണം ഇനിയും ഉയരും. എന്നാൽ മറ്റു കണക്കുകളുമായി താരതമ്യം ചെയ്യു​േമ്പാൾ രാജ്യത്തെ കോവിഡ്​ വ്യാപനം​ കുറവാണെന്നും അദ്ദേഹം പറഞ്ഞു.

രാജ്യത്തി​െൻറ വിവിധ ഇടങ്ങളിൽ കോവിഡ്​ വീണ്ടും വ്യാപിക്കുന്നു. ചിലയിടങ്ങളിൽ കോവിഡി​െൻറ രണ്ടാം വ്യാപനവും കാണാനാകും. രാജ്യത്തെ കോവിഡ്​ പരിശോധനകളുടെ എണ്ണം ഉയർത്തിയതും ജനങ്ങളിൽനിന്ന്​ കോവിഡ്​ സംബന്ധിച്ച ഭയം അകന്നതും ഇതിനു കാരണങ്ങളായി ചൂണ്ടിക്കാണിക്കാം.

രാജ്യത്ത്​ പരിശോധനകളുടെ എണ്ണം കുത്തനെ ഉയർത്തിയിരുന്നു. ഒരു ദിവസം പത്തുലക്ഷം സാമ്പിളുകൾ വരെ പരിശോധിക്കാൻ സാധിക്കുന്നു. കൂടുതൻ സാമ്പിളുകൾ പരിശോധിക്കു​ന്തോറും രോഗബാധിതരുടെ എണ്ണവും ഉയരും. കോവിഡിനെതിരെ ആദ്യഘട്ടത്തി​ൽ പുലർത്തിയ ജാഗ്രത ഇപ്പോൾ ജനങ്ങൾ സ്വീകരിക്കാത്തതും കേസുകളുടെ എണ്ണം ഉയരാൻ കാരണമാകുന്നു. ആദ്യഘട്ടത്തിൽ കർശനമായി ജനങ്ങൾ കോവിഡ്​ മാനദണ്ഡങ്ങൾ പാലിച്ചു. എന്നാൽ ഇപ്പോൾ ജനം അതിന്​ മടിക്കുന്നു. കോവിഡ്​ വ്യാപനം രൂക്ഷമായ ഡൽഹിയിൽ ജനങ്ങൾ മാസ്​ക്​ ധരിക്കാൻ പോലും തയാറാകുന്നില്ല. വലിയ ആൾക്കൂട്ടവും അതുമൂലമുണ്ടാകുന്ന ഗതാഗതക്കുരുക്കും ഇപ്പോൾ ഡൽഹിയിൽ കാണാനാകും. ഇതും കോവിഡ്​ വ്യാപനത്തിന്​ കാരണമാകുന്നു. ഡൽഹിയിൽ നടത്തിയ സീറോ സർവേയിൽ രാജ്യ തലസ്​ഥാനത്തെ 70 ശതമാനം പേർക്കും കോവിഡ്​ ബാധിക്കാൻ സാധ്യതയുണ്ടെന്ന്​ കണ്ടെത്തിയിരുന്നതായും ​അ​ദ്ദേഹം കൂട്ടിച്ചേർത്തു.

കോവിഡ്​ പ്രതിരോധത്തിനായി നിരവധി വാക്​സിനുകൾ വികസിപ്പിച്ചു വരുന്നു. ഇന്ത്യയിൽ മാത്രം മൂന്നോളം വാക്​സിനുകൾ വിജയകരമായി പരീക്ഷണം നടത്തികൊണ്ടിരിക്കുന്നു. എന്നാൽ വാക്​സിനുകൾ പുറത്തിറക്കു​േമ്പാഴും അവ ഉപ​യോഗിക്കുന്നതിലെ സുരക്ഷയാണ്​​ ഏറ്റവും പ്രധാനം. ഉദാഹരണത്തിന്​ റഷ്യൻ വാക്​സിനായ സ്​പുട്​നിക്​ അഞ്ച്​ വിജയകരമാണെന്ന റിപ്പോർട്ടുകൾ പുറത്തുവരുന്നു. എന്നാൽ അവ വളരെ കുറച്ചുപേരിൽ മാത്രമാണ്​ പരീക്ഷണം നടത്തിയത്​. വാക്​സിനുകൾ ശരീരത്തിൽ കോവിഡിനെ ചെറുക്കാൻ ആൻറിബോഡി ഉൽപ്പാദിപ്പിക്കുന്നുണ്ടെങ്കിലും ചില ആരോഗ്യ പ്രശ്​നങ്ങൾ സൃഷ്​ടിക്കപ്പെടുന്നു.

എന്നാൽ നമ്മുടെ മൂന്നാംഘട്ട വാക്​സിൻ പരീക്ഷണം വലിയ രീതിയിലായിരിക്കും. അതിനുശേഷം മാത്രമേ കോവിഡിനെതിരായ വാക്​സിൻ എന്ന ഉറപ്പ്​ പറയാൻ കഴിയൂ. കോവിഡ്​ വാക്​സിനായി കുറച്ച്​ മാസങ്ങൾക്കൂടി കാത്തിരിക്കേണ്ടി വരും. ഇൗ വർഷം അവസാനത്തോടെ വാക്​സിൻ പുറത്തിറക്കാൻ സാധിക്കുമെന്നും എല്ലാം നല്ല രീതിയിൽ വരുമെന്ന്​ പ്രത്യാശിക്കാമെന്നും ഡോ. രൺദീപ്​ ഗുലേറിയ പറഞ്ഞു.

ആഗോള തലത്തിൽ വാക്​സിൻ ലഭ്യമാക്കുന്നതിന്​ കൂടുതൽ സമയം വേണ്ടിവരും. അവയുടെ ഉൽപ്പാദനത്തിനും കൂടുതൽ സമയം ആവശ്യമായി വരും. അവ നിർമിച്ചുകഴിഞ്ഞാൽ തന്നെ ആഗോളതലത്തിൽ എല്ലാവരിലേക്കും ലഭ്യമാകുന്നുണ്ടെന്ന്​ ഉറപ്പുവരുത്തുകയും വേണം. അതിൽ ഏറ്റവും പ്രധാനം അത്യാവശ്യക്കാർക്ക്​ ആദ്യം എത്തിക്കുക എന്നതായിരിക്കണമെന്നും ഗുലേറിയ കൂട്ടിച്ചേർത്തു.

അൺലോക്കി​െൻറ ഭാഗമായി രാജ്യത്തെ മെട്രോ സർവിസുകൾ പലതും പുനരാരംഭിക്കുന്നു. ആവശ്യത്തിന്​ സാമൂഹിക അകലം പാലിക്കുകയും മാസ്​ക്​ ധരിക്കുകയും കൈകൾ അണുവിമുക്തമാക്കുകയും കോവിഡ്​ മാനദണ്ഡങ്ങൾ പാലിക്കുകയും ചെയ്യുകയാണെങ്കിൽ മെട്രോ യാത്ര സുരക്ഷിതമാണെന്ന്​ പറയാനാകും. എന്നാൽ അവ പാലിക്കാൻ കഴിഞ്ഞില്ലെങ്കിൽ കൂടുതൽ അപകടം ക്ഷണിച്ചുവരുത്തും.

പുറത്തുപോകു​േമ്പാൾ ​മാസ്​ക്​ നിർബന്ധമായും ധരിക്കണമെന്ന്​ നിർദേശിക്കുന്നു. എന്നാൽ കൈകൾ കൃത്യമായി അണുവിമുക്തമാക്കുകയാണെങ്കിൽ ഒരു പരിധിവരെ വൈറസിനെ തടയാനാകും. കൈയുറകൾ ധരിക്കുന്നുണ്ടെങ്കിൽ അവ കൃത്യമായി അണുവിമുക്തമാക്കണം. ബാറുകൾ, പബുകൾ, റസ്​റ്ററൻറുകൾ എന്നിവിടങ്ങളിൽ സാമൂഹിക അകലം കൃത്യമായി ഉറപ്പുവരുത്തുകയും ജാഗ്രതയോടെ പെരുമാറുകയും ചെയ്യുകയാണെങ്കിൽ അപകട സാധ്യതയില്ല. ആളുകൾ ധാരാളം കൂടുന്ന ഇടങ്ങളിൽ കൂടുതൽ ജാഗ്രത പുലർത്തണം. അവ നഷ്​ടപ്പെടുത്തിയാൽ വൈറസ്​ ബാധയേൽക്കാനുള്ള സാധ്യത കൂടുമെന്നും അദ്ദേഹം കൂട്ടിച്ചേർത്തു.

സ്​കൂളുകൾ തുറന്നു പ്രവർത്തിക്കാനുള്ള സമയമായെന്ന്​ കരുതുന്നില്ല. ചില ഇടങ്ങളിൽ വൈറസ്​ വ്യാപനം കുറയുന്നുണ്ടെങ്കിലും ചില ഇടങ്ങളിൽ കൂടികൊണ്ടിരിക്കുന്നു. വൈറസ്​ വ്യാപന സാധ്യത കുറയാതെ സ്​കൂളുകൾ തുറക്കാൻ പാടില്ല. കുട്ടികൾ എല്ലായ്​പ്പോഴും സാമൂഹിക അകലം ഉറപ്പുവരുത്തുമെന്നും മാസ്​ക്​ ധരിക്കുമെന്നും പറയാൻ കഴിയില്ല. അതിനാൽ തന്നെ അവരിൽ വൈറസ്​ ബാധയേൽക്കാൻ സാധ്യതകൂടും. കുഞ്ഞുങ്ങളിൽ നിന്ന്​ മുതിർന്നവരി​േലക്കും രോഗം പടരും. സ്​കൂളുകൾ തുറക്കാൻ ഇനിയും കാത്തിരിക്കേണ്ടിവരുമെന്നും രൺദീപ്​ ഗലേറിയ പറഞ്ഞു.

Show Full Article
TAGS:Covid 19. corona virus covid india Dr Randeep Guleria 
Web Title - Covid pandemic will continue in 2021 AIIMS chief Dr Randeep Guleria
Next Story