കോവിഡ്​ ഉത്ഭവം കണ്ടെത്താനായില്ല –യു.എസ്​ ഇൻറലിജൻസ്​ ഏജൻസികൾ

വാഷിങ്​ടൺ: കോവിഡ്​-19 ഉത്ഭവം കണ്ടെത്താനായില്ലെന്ന റിപ്പോർട്ട്​ പുറത്തുവിട്ട്​ യു.എസ്​ ഇൻറലിജൻസ്​ ഏജൻസികൾ. കോവിഡ്​ വൈറസ്​ മൃഗങ്ങളിൽനിന്നാണോ അതോ ചൈനീസ്​ ലാബിൽനിന്നാണോ മനുഷ്യരിലെത്തിയത്​ എന്ന ചോദ്യങ്ങൾക്കുത്തരം തേടിയാണ്​ യു.എസ്​ ഇൻറലിജൻസ്​ ഏജൻസികൾ അന്വേഷണം നടത്തിയത്​.

കോവിഡ്​-19 ജൈവായുധമായി വികസിപ്പിച്ചതാണെന്ന റിപ്പോർട്ടുകളും സംഘം തള്ളി. കോവിഡ്​ ഉറവിടം സംബന്ധിച്ച്​ ബൈഡൻ ഭരണകൂടം നടത്തിയ മൂന്നുമാസത്തെ അന്വേഷണ റിപ്പോർട്ടി​െൻറ നവീകരിച്ച രൂപമാണ്​ ഇപ്പോൾ പുറത്തുവിട്ടത്​. വൈറസ്​ പ്രകൃത്യാ ഉണ്ടായതാണെന്നാണ്​ യു.എസ്​ ഇൻറലിജൻസ്​ ഏജൻസികളിൽ ഒരു വിഭാഗം വിശ്വസിക്കുന്നത്​.